Question:
Aayaat-e-Quraani Ki Hairat Angez Taaseer Ka Ek Namuuna
Answer:
Aayaat-e-Quraani Ki Hairat Angez Taaseer Ka Ek NamuunaPeshkash: Najeebullah Noori NajmiQuraan-e-Hakeem ki aayaat mein Khudaa-e-Qudduus ne bijli ki taaseer se bhi zyaada hairat angez aur ta’ajjub khez taaseeraat rakhi hain, jiska andaaza un khush naseeb Musalmaano.n ko khuub hota hai jo aayaat-e-Quraani ka wird karte hain. Ham yahaa.n namuune ke taur par ek aayat ki hairat angez taaseer ki ek shahaadat pesh karte hain.‘Allaama Ajhuuri ne apni kitaab "Fazaail-e-Ramzaan" mein tehreer farmaaya hai ki ek martaba kuch log samandar mein kashti par sawaar hokar safar kar rahe the, to samandar mein se ek aawaaz dene waale ki aawaaz aai magar uski suurat dikhaai nahi padi. Usne kaha: "Agar koi shakhs mujhe das hazaar deenaar de de to main use ek aisa wazeefa bataau.n ga ke agar woh halaakat ke qareeb poho.nch gaya ho aur is wazeefe ko padh le to tamaam balaae.n wa halaakate.n tal jaae.ngi." To kashti waalo.n mein se ek ne baland aawaaz mein kaha: "Aa main, tujh ko das hazaar deenaar deta hu.n, tu mujhe woh wazeefa bata de." To aawaaz aai: "Tu deenaaro.n ko samandar mein daal de, mujhe mil jaae.nge."Chunaa.nche kashti waalo.n ne das hazaar deenaaro.n ko samandar mein daal diya, to us ghaibi aawaaz dene waale ne kaha: