Dimaag Nahin.n Dil Ko Maskhar kijiye
Shaa’ir-e-Mashriq ‘Allaama Dr. Iqbaal da’wat-o-tableegh ke muta’alliq apne ek dost ke sawaal ke jawaab mein farmaate hain:
‘‘Qubuul-e-Islaam mein asal cheez dil hai. Jab dil ek tabdeeli par razaamand ho jaata hai aur kisi baat par qaraar pakad leta hai, to phir baaqi tamaam jism us ke siwa kuch nahi.n karta ki woh is tabdeeli ki taaeed ke liye waqf ho jaae. Hame.n Islaam ke qadeem-o-jadeed muballigho.n mein ek waazeh farq nazar aata hai. Qadeem muballigho.n ka aur ghair Muslimo.n ke dilo.n par hota tha. Woh apni lillaahiyat, be-nafsi, khush-khulqi aur ehsaan-o-murawwat ki jaaduu-asar adaao.n se dilo.n ko girweedah karte the aur is tarah hazaar-haa log az khud baghair kisi behes-o-takraar ke unke rang mein rang jaate the. Magar jadeed muballigho.n ka saara zor dimaagh ki tabdeeli par sarf hota hai. Woh sadaaqat-e-Islaam par ek daleel dete hain, muqaable mein duusri hujjat-e-ghair Muslim pesh kar dete hain Is par behes-o-takraar shuru’ ho jaati hai aur hidaayat khatm ho jaati hai.‘‘
‘‘Muballigheen-e-Islaam ko dilo.n ko muta-assir karne ke liye nikaalna chaahiye ya dimaagho.n ko? Is faisle ka asaan tareeqa yeh hai ki ham fitrat ki ravish ki pairvi kare.n. Ghaur karne se m’aluum hoga ki fitrat apni futuuhaat haasil karne ke liye apna ta’alluq hamesha dilo.n se jodti hai. Fitrat khaane mein lazzat paida karti hai aur aap use be-ikhtiyaar kha jaate hain. Us waqt ek bhi shakhs dimaagh se yeh nahi.n puuchta kya yeh khaana tab’ee lihaaz se mufeed hoga. Aap kahi.n jaarahe hote hain ki naagahaa.n phuulo.n ki ek khushnuma zameen aur lub jo ka ek haseen nazzaarah saamne aa jaata hai, aap wahaa.n be-ikhtiyaar baith jaate hain. Wahi.n thandi hawa ka ek dilnawaaz jho.nka aata hai aur aap ko meethi neend sulaadeta hai. Us waqt koi bhi shakhs dimaagh se yeh nahi.n puuchta ki mujhe sona chaahiye ya nahi.n. Mukhtasar yeh ki fitrat har kaam mein logo.n ko garweedah kar ke matlab nikaalti hai, woh dimaagho.n ki taraf kabhi mutawajjah nahi.n hoti. Islaam chu.nki saraa-sar nuur-e-fitrat hai, is waaste muballigheen ko chaahiye ki akhlaaq o-muhabbat ki gehraaiyo.n se dilo.n ko is tarah shikaar kare.n ki un mein sarkashi aur inkaar ki sakat hi baaqi nahi.n rahe. Is liye zaruuri hai ki muballigh-e-Islaam, Islaami character ki ‘azmat ke maalik ho.n taaki sarkash se sarkash aadmi bhi un ke saamne apni gardane.n jhuka dein. Baaqi rahe dimaaghi mubaahis aur ‘aqli takraar to is se na to dil mutma-in ho sakte hain, na munqalib ho sakte hain aur na fitrat raam ho sakti hai.”
“Main samajhta huu.n ki dil aur dimaagh ke kaam karne ke tareeqo.n mein bohot farq hai. Dimaagh aksar auqaat hazaarha mazbuut dalaail ko mustarad kar deta hai aur unki kuch bhi parwaah nahi.n karta, lekin dil is ke bar’aks, baa’z auqaat kamzor se kamzor cheezo.n se is qadr muta-ssir ho jaata hai ki sirf ek hi jhatke mein zindagi ka saara naqshah badal jaata hai. Qubool-e-Islam ka ta’alluq jis qadr dil se hai, dimaagh se nahi.n. Asal baat jo muballigh ko ma’luum honi chaahiye yeh hai ki woh kon se nashtar hain jin se dil muta-ssir hua karte hain. Kuffaar-o-mushrikeen ke inqilaab-e-hayaat ki hazaarha misaale.n taareekh-e-Islaam mein maujuud hain. Ham dekhte hain ki ek shakhs apne halaat ke tehet ek khayaal ya ek mazhab par chattaan ki tarah qaaim hota hai, nagahaa.n ghaib se us ke dil par ek nashtar chalta hai aur chashm-e-zadan mein uski zindagi ki tamaam guzishtha taareekh badal jaati hai. Sadaaqat-e-Islaam ke ‘aqli dalaail to aap ke paas bohot hain, magar qalbi dalaail kam hain. Agar aap nau-muslimo.n ke paas jaae.n to woh bataae.nge ki Islaam ki woh kon si be-saakhta ada thi jo unke dil ko bha gai. Agar unke bayaanaat ek kitaab mein jama’ kar diye jaae.n, to mujhe yaqeen hai ki inqilaabaat ki bilkul nai duniya muballigheen ke saamne aajaae gi aur ishaa’at-e-Islaam ke liye aise nae dalaail ya jadeed hathiyaar mil jaae.n ge jin se Islaam ka maujuudah kutub khana khaali hai.‘‘
(Da’wat-e-Islam: Aqwaam-e-‘Aalam aur Biraadaraan-e-Watan ke Darmiyaan, Musannifa: Professor Mohsin Usmaani)
دماغ نہیں دل کومسخرکیجیے
شاعر مشرق علامہ ڈاکٹراقبال دعوت وتبلیغ کے متعلق اپنے ایک دوست کے سوال کے جواب میں فرماتے ہیں۔
٭’’قبولِ اسلام میں اصل چیزدل ہے جب دل ایک تبدیلی پررضامندہوجاتاہے اورکسی بات پرقرارپکڑلیتاہے توپھرباقی تمام جسم اس کے سواکچھ نہیںکرتاکہ وہ اس تبدیلی کی تائیدکے لیے وقف ہوجائے ۔ہمیں اسلام کے قدیم وجدیدمبلغو ں میں ایک واضح فرق نظرآتاہے ۔قدیم مبلغوں کاوارغیرمسلموںکے دلوںپرہوتاتھاوہ اپنی للہیت ،بے نفسی ،خوش خلقی اوراحسان ومروت کی جادواثرادائوں سے دلوں کوگرویدہ کرتے تھے اوراس طرح ہزارہالوگ ازخود بغیرکسی بحث وتکرارکے ان کے رنگ میں رنگ جاتے تھے مگرجدیدمبلغوں کاسارازوردماغ کی تبدیلی پرصرف ہوتاہے۔وہ صداقت اسلام پرایک دلیل دیتے ہیں مقابلے میں دوسری حجت غیرمسلم پیش کردیتے ہیںاس پربحث وتکرارشروع ہوجاتی ہے اورہدایت ختم ہوجاتی ہے ‘‘۔
٭’’مبلغین اسلام کودلوں کومتاثرکرنے کے لیے نکلناچاہیے یادماغوںکو؟۔ا س فیصلے کاآسان طریقہ یہ ہے کہ ہم فطرت کی روش کی پیروی کریں۔غورکرنے سے معلوم ہوگاکہ فطرت اپنی فتوحات حاصل کرنے کے لیے اپناتعلق ہمیشہ دلوں سے جوڑتی ہے ۔فطرت کھانے میں لذت پیداکرتی ہے اورآ پ اسے بے اختیارکھاجاتے ہیں۔اس وقت ایک بھی شخص دماغ سے یہ نہیںپوچھتاکیایہ کھاناطبی لحاظ سے مفیدہوگا۔آ پ کہیںجارہے ہوتے ہیںکہ ناگہاں پھولوں کی ایک خوشنمازمین اورلب جوکاایک حسین نظارہ سامنے آجاتاہے آپ وہاں بے اختیاربیٹھ جاتے ہیںوہیں ٹھنڈی ہواکاایک دلنواز جھونکاآتاہے اورآپ کومیٹھی نیندسلادیتاہے ۔اس وقت کوئی بھی شخص دماغ سے یہ نہیں پوچھتاکہ مجھے سوناچاہیے یانہیں۔مختصریہ کہ فطرت ہرکام میں لوگوں کوگرویدہ کرکے مطلب نکالتی ہے وہ دماغوں کی طر ف کبھی متوجہ نہیں ہوتی ۔اسلام چونکہ سراسرنورفطرت ہے اس واسطے مبلغین کوچاہیے کہ اخلا ق ومحبت کی گہرائیوں سے دلوںکواس طرح شکارکریں کہ ان میں سرکشی اورانکارکی سکت ہی باقی نہ رہے ۔اس لیے ضروری ہے کہ مبلغ اسلام ،اسلامی کیرکٹرکی عظمت کے مالک ہوں تاکہ سرکش سے سرکش آدمی بھی ان کے سامنے اپنی گردنیں جھکادیں۔باقی رہے دماغی مباحث اورعقلی تکرارتواس سے نہ تودل مطمئن ہوسکتے ہیں،نہ منقلب ہوسکتے ہیںاورنہ فطرت را م ہوسکتی ہے‘‘۔
’’میںسمجھتاہوں کہ دل اوردماغ کے کام کرنے کے طریقوں میں بہت فرق ہے ۔دماغ اکثراوقات ہزارہامضبوط دلائل کومستردکردیتاہے اوران کی کچھ بھی پرواہ نہیں کرتالیکن دل اس کے برعکس بعض اوقات کمزورسے کمزورچیزوں سے اس قدر متاثرہو جاتاہے کہ صرف ایک ہی جھٹکے میںزندگی کاسارانقشہ بدل جاتاہے۔ قبول اسلا م کاتعلق جس قدردل سے ہے،دماغ سے نہیں۔اصل بات جومبلغ کومعلوم ہوناچاہیے یہ ہے کہ وہ کون سے نشترہیںجن سے دل متاثرہواکرتے ہیں۔کفارومشرکین کے انقلاب حیات کی ہزارہا مثالیں تاریخ اسلام میں موجودہیں ۔ہم دیکھتے ہیںکہ ایک شخص اپنے حالات کے تحت ایک خیال یاایک مذہب پرچٹان کی طرح قائم ہوتاہے ناگہاں غیب سے اس کے دل پر ایک نشترچلتاہے اورچشم زدن میں اس کی زندگی کی تمام گزشتہ تاریخ بدل جاتی ہے۔صداقت اسلام کے عقلی دلائل توآپ کے پاس بہت ہیںمگرقلبی دلائل کم ہیںاگرآپ نومسلموںکے پاس جائیںتووہ بتائیں گے کہ اسلام کی وہ کونسی بے ساختہ اداتھی جوان کے دل کوبھاگئی۔اگران کے بیانات ایک کتاب میں جمع کردیے جائیںتومجھے یقین ہے کہ انقلابات کی بالکل نئی دنیامبلغین کے سامنے آجائے گی اوراشاعت اسلام کے لیے ایسے نئے دلائل یاجدیدہتھیارمل جائیں گے جن سے اسلام کاموجودہ کتب خانہ خالی ہے‘‘۔
(دعوت اسلام:اقوام عالم اوربرادران وطن کے درمیان،مصنفہ:پروفیسرمحسن عثمانی )
