Ek Duusre Ki ‘Aeb Poshi Karo
Az: Maulaana Mazhar Husain ‘Aleemi, Mumbai
Mazhab-e-Islaam insaan ki laghzisho.n aur khataao.n par pardah daalne ki targheeb dilaata hai taaki jab kabhi woh jurm-o-khata mein mubtala ho jaae, to usko islaah-e-nafs aur buraaiyo.n ko duur karne ka mauqa’ mil jaae. Pardah poshi aa’la makaarim-e-akhlaaq mein se hai. ‘Aeb poshi us waqt aur aham ho jaati hai jab woh shakhs mu’azzaz ho, ya ‘aalim ho, ya qaaid-o-rehnuma ya un jaise mu’azzaz afraad ho.
Quraan-e-Paak mein irshaad-e-baari ta’aala hai:
اِنَّ الَّذِیْنَ یُحِبُّوْنَ أنْ تَشِیْعَ الْفَاحِشَۃُ فِیْ الَّذِیْنَ آمَنُوْا لَہُمْ عَذَابٌ اَلِیْمٌ فِیْ الدُّنْیَا وَالآخِرَۃِ وَاللّٰہُ یَعْلَمُ وَاَنْتُمْ لَاَتَعْلَمُوْنَ
(An-Nuur: 19:24)
Tarjamah: Woh log jo chaahte hain ki Musalmaano.n mein bura charcha phaile, unke liye dardnaak ‘azaab hai duniya aur aakhirat mein. Aur Allaah jaanta hai, tum nahi.n jaante. (Kanzul eemaan)
Ham sab ke Khaaliq-o-Maalik Allaah ‘azza wa jal ne eeza rasaani aur ‘uyuub talaash karne ki mumaani’at mein irshaad farmaaya:
وَالَّذِیْنَ یُؤذُونَ الْمُؤمِنِیْنَ وَالْمُؤمِنَاتِ بِغَیْرِ مَا اکْتَسَبُوْا فَقَدْ اِحْتَمَلُوْا بُہْتَانًا وَّاِثْمًامُّبِیْنًا
(Al-Ahzaab 33:58)
Tarjamah: Aur jo eemaan waale mardo.n aur ‘aurato.n ko be kiye sataate hain, unho.n ne bohtaan aur khula gunaah apne sar liya. (Kanzul eemaan)
‘Aeb poshi ki Fazeelat-o-ahmiyat aur pardah daari ki mazammat-o-shanaa’at par kaseer ahaadees maujuud hain. Yahaa.n chand ahaadees mulaahiza farmaae.n:
Hazrat ‘Abdullah Ibn-e-‘Umar ؓ se marwee hai ki Rasuul-e-Khuda ﷺ ne irshaad farmaaya:
“Musalmaan musalmaan ka bhai hai, na woh us par zulm-o-ziyaadti kare aur na use tabaahi ke hawaale kare. Jo shakhs apne bhaai ki haajat bar-aari mein laga rahega, Allaah uski haajat rawaai farmaaega. Aur jo shakhs kisi musalmaan par se koi museebat duur karega, Allaah ta’aala qayaamat ki museebato.n mein se koi museebat us par se duur farmaaega. Aur jo koi kisi musalmaan ki pardah poshi karega, Allaah qayaamat ke roz uski pardah poshi farmaaega.” (Muslim Shareef)
Hazrat Abu Hurairah ؓ bayaan karte hain ki Rasuul-e-Kareem ﷺ ne farmaaya:
لایستر عبدٌ عبداً فی الدنیا الا سترہ اللّٰہ یومَ القیٰمۃ
Ya’ni jo koi duniya mein kisi bande ke ‘aeb par pardah daalega, Allaah qayaamat ke din uske ‘aeb par pardah daalega. (Muslim Shareef)
Hazrat Abu Sa’eed Khudri ؓ se riwaayat hai ki Sarkaar ﷺ ne farmaaya:
“Jo musalmaan apne bhaai ka ‘aeb dekhe aur us par pardah daal de, Allaah ta’aala use ‘aeb poshi ke ‘evaz use jannat mein daakhil farmaaega.” (Rawaahu At-Tabaraani)
Hazrat Dakheen Abu Al-Haisam (jo ‘Uqbah bin ‘Umar ke kaatib the) ne kaha ki maine ‘Uqbah bin ‘Aamir ؓ se kaha ki mere kuch padosi hain jo sharaab peete hain aur main hukuumat ke kaarindo.n ko unhe.n giraftaar karne ke liye bulaata huu.n. ‘Uqbah bin ‘Aamir ؓ ne farmaaya: “ Aisa mat karo Unhe.n naseehat karo aur dhamki do.” Raawi kehte hain ki main ne un ko mana’ kiya lekin woh baaz na aae. Ab main un ko giraftaar karne ke liye hukuumat ke kaarindo.n ko bulaau.nga. Hazrat ‘Uqbah bin ‘Aamir ؓ ne farmaaya: “Tum par afsos ho, aisa mat karo. Isliye ki maine Rasuul-e-Kareem ﷺ ko farmaate suna ki jisne ‘aeb poshi ki goya usne qabr mein dafan ki jaane waali ko zindah kiya.” (Sunan Abu Daauud)
Hazrat ‘Abdullah bin ‘Abbaas ؓ se riwaayat hai ki Nabi-e-Kareem ﷺ ne irshaad farmaaya: “Jisne apne bhaai ki satar poshi ki, Allaah ta’aala qayaamat ke din uski ‘aeb poshi farmaaega aur jisne apne kisi musalmaan bhaai ko be-aabru kiya, Allaah uske ‘uyuub khol dega yahaa.n tak ki use uske ghar mein ruswa farmaaega.” (Ibn-e-Maajah)
Hazrat Ibn-e-‘Umar ؓ se marwi hai ki Allaah ke Rasuul ﷺ mimbar par raunaq afroz hue aur ba-aawaaz-e-baland irshaad farmaaya: “Ae zabaani Islaam ka da’wa karne walo.n, haal yeh hai ki eemaan tumhaare dil mein daakhil nahi.n hua hai. Musalmaano.n ko eeza mat do aur unke ‘aeb talaash mat karo Isliye ki jo apne musalmaan bhai ke ‘aeb ko talaash karta hai, Allaah uske ‘aeb ko chhupne nahi.n deta aur jis ke ‘aeb ko Allaah chhupne na de, zaruur use ruswa kardega agarche woh apne ghar ke andar ho.” Aur ek Roz Hazrat Ibn-e-‘Umar ne Ka’ba Muqaddasah Ko Dekha To farmaaya: "Tu kitna ‘azeem-ush-shaan aur ‘azeem-ul-martabat hai, magar momin ki hurmat wa ‘izzat Allaah ke nazdeek tujh se bhi zyaadah hai." (Rawaahu-At-Tirmizi)
Hazrat-e-Mu’aawiyah ؓ se marwi hai ki maine Allaah ke Rasuul ﷺ ko farmaate suna ki Agar tum Musalmaano.n ke chhupe hue ‘uyuub ko talaash karoge, to tum unhe.n bigaad doge ya bigaadne ke qareeb kar doge.” (Abu Daauud)
Hazrat Anas ؓ se riwaayat hai ki Rasuulullah ﷺ ne farmaaya: Mera Rab jab mujhe aasmaan par le gaya to mera guzar kuch aise logo.n par hua jinke naakhun taambe ke the aur woh us se apna chehra aur seena noch rahe the. Main ne puuchha: 'Ae Jibreel! Yeh kaun log hain? Unho.n ne kaha ki Yeh woh hain jo logo.n ka gosht khaate the aur unki ‘izzat-o-aabruu ke peeche pade rehte the.'” (Ahmad, Abu Daauud)
Hazrat Abu Hurairah ؓ riwaayat farmaate hain ki maine Rasuul-e-Akram ﷺ ko farmaate suna (Apne ‘aeb ka) izhaar karne waalo.n ke ‘alaawah meri ummat ke tamaam logo.n ke liye mu’aafi hai. Izhaar ki suurat yeh hai ki koi shakhs raat ko ek ‘amal karta hai, phir subh ke waqt jab ki Allaah ne uski pardah poshi farmaai, kehta hai Maine falaa.n falaa.n ‘amal kiya,' haalaa.n ki raat ke waqt uske rab ne pardah daala tha lekin woh bawaqt-e-subh Allaah ke pardah ko chaak kar deta hai. (Bukhaari wa Muslim)
Hazrat Abu Darda ؓ bayaan farmaate hain ki maine Rasuulullaah ﷺ ko farmate suna:
“Jo Musalmaan apne bhaai ki aabruu ki hifaazat wa siyaanat ki gharz se jawaab dahi karta hai, to Allaah apne zimma-e-karam par yeh haq le leta hai ki qayaamat ke din woh use jahannam ki aag se bachaae. Us ke baad aap ne Quraan-e-Paak ki yeh aayat
وَکَانَ حَقًّا عَلَیْنَانَصْرُالْمُؤمِنِیْنَ
(Ar-Ruum 30:47)
Aur ehl-e-eemaan ki madad to ham par haq hai.
‘Aeb poshi ke baare mein jo aayaat aur ahaadees pesh ki gai hain, woh is baat par roshan daleel hain ki mazhab-e-Islaam kisi ki pardah dari ko har ghiz rawa nahi.n rakhta. Woh apne muttabi’een ko pardah dari nahi.n, balki ‘aeb poshi ka hukm deta hai. Islaam yu.n to kisi ki bhi ruswaai ko pasand nahi.n karta, lekin ahl-e-eemaan ke mu’aamle mein to yeh Musalmaano.n ko hadd darjah mutanabbeh karta hai ki woh apne Musalmaan bhai ki ‘aeb poshi kare.n aur unhe.n hatta-al-maqduur be-aabruu hone se bachaae.n.
Agar ham aur aap chaahte hain ki qayaamat ke haulnaak din hamaare gunaaho.n, bad a’maaliyo.n aur khataao.n par pardah daal diya jaae, to aaj is duniya mein apne bhaaiyo.n ki pardah poshi karne ki ‘aadat banaale.n. Kal baroz-e-Qayaamat Khudaa-e-Qahhaar-o-Jabbaar apni sifat-e-Sattaari se hamaare gunaaho.n ko chhupa dega aur awwaleen-o-aakhireen ke majma’ mein ruswa hone se bacha lega.
Rab Ta’aala ham sab ko taufeeq bakhshe.
اسلوبِ دعوت اورداعی کانصاب
ازقلم : طاہرحمید
کسی بھی چیزکی موثریت میں لوگوں کے سامنے اس کی پیشگی کا اسلوب بڑافعال کردار ادا کرتا ہے۔ دعوت ایک نظام ہے اور خیر وشر کی ساری عمارتیں اس کے سہارے کھڑی ہیں۔ خیر کی دعوت کا اسلوب موثر اور کارگر ہوجائے تو تمدن کی اقدار پر صالحیت غالب آجاتی ہے اور اگر شر اپنے اسلوب کو مزین کرکے پیش کردے اور تاریکی کے پردوں میں مصنوعی، فانی اور باطل روشنیوں کا شہر آباد کرلے تو کلچر پر اس کا غلبہ ہوجائے گا۔ سورہ احزاب کی آیہ کریمہ میں قرآن مجید نے اسلوب دعوت کے تین ضروری عناصر کا ذکر کیا ہے اور آیت کے اختتام پر سراجاً منیرا کے الفاظ لائے گئے ہیں جن کا ایک مفہوم یہ بھی بنتا ہے کہ تقاضاہائے دعوت کو پورا کرنے اور اسلوب دعوت کے تشکیلی عناصر پر ہمہ پہلو عمل معاشرے کی سیاسی، معاشی، معاشرتی اور تہذیبی ثقافتی اقدارِ حیات پر وہ اثرات مرتب کرے گا جن سے کفر، شیطنت، طاغوتیت اور باطل کی تاریکیوں کے سب پردے چاک ہوجائیں گے، ہر طرف حق کی برکھا نور بن کر برسے گی اور پورا عالم بقعہ نور بن جائے گا۔ ارشاد باری تعالیٰ ہے: یا ایہا النبی اناارسلنک شاہدا ومبشراً ونذیرا وداعیا الی اللہ باذنہ وسراجاً منیرا۔ (الاحزاب، ۳۳، ۴۵،۴۶)
ترجمہ: اے (محبوب) نبی صلی اللہ تعالیٰ علیہ وسلم ہم نے آپ کو گواہ اور بشارت دینے والا اور ڈر سنانے والا اور اللہ کی طرف اس کے اذن سے بلانے والا اور چمکنے والا سورج بناکر بھیجا ہے۔‘‘
لہٰذا اس آیت کریمہ کی روشنی میں عظیم داعی کے دعوتی منہاج کے تشکیلی عناصر تین ہیں۔
۱۔ شاہدیت ۲۔مبشریت ۳۔ نذیریت
شاہدیت کا تقاضا ہے کہ داعی اپنی دعوت پر گواہ ہو۔ اس کا مفہوم یہ ہے کہ اس کے سراپا کے ظاہر وباطن سے اس کی دعوت جھلکے۔ وہ اپنی دعوت کو محض زبان سے اس طرح پیش نہ کرے کہ اس کا عمل خود اس قول کا رفیق نہ ہوپائے۔ یہ موثر دعوت کے اسلوب تقدیم کے سراسر خلاف ہے۔ موثر نظام دعوت کا اسلوب پیشگی اس بات کا بڑی شدت سے متقاضی ہے کہ داعی اپنی دعوت پر گواہ ہو۔ اس کے قول وعمل ، احوال واطوار، قیام وجلوس اور خوردونوش کے اعمال سے لے کر اس کی ہرحرکت جب تک اس کی دعوت کا مظہر نہیں بنتی وہ اپنی دعوت پر گواہ نہیں ہوسکتا اور دعوت اس وقت تک دعوت نہیں بنتی، جب تک اس پر شہادت نہ ہو۔
اسلوب دعوت میں مبشریت کے عنصر کا تقاضا ہے کہ داعی دعوت کو پیش کرتے وقت رحمت کے پہلو غالب رکھے۔ یاس وقنوطیت میں دبے لوگوں کو امید وآس کی حقیقتوں سے آشنا کردے۔ اپنے رب کی رحمتوں کا تذکرہ یوں کرے کہ گھپ اندھیروں میں کھڑی انسانیت وہیں کھڑے کھڑے فضل الٰہی کی روشنیوں کے میناروں کا مشاہدہ کرلے۔
اسلوب دعوت میں شان نذیریت یہ چاہتی ہے کہ باطل حق کی گرج سے لرزہ براندام ہوجائے اکھڑ، اجڈ اور گنوار جہالت کی کیسی ہی دبیز تہوں میں دبے ہوئے کیوں نہ ہوں اسلوب دعوت کا تقاضائے نذیریت ان کے رونگٹے کھڑے کردینے کے لیے کافی ہے بشرطیکہ اس کی موثریت پر زد نہ پڑنے دی جائے یعنی اس کو مناسب حال ومقام کے ساتھ ساتھ مناسب وقت پر استعمال کیا جائے۔ یہی عنصر داعی سے تقاضا کرتا ہے کہ ظالم جابر حکمران کے سامنے وہ بلا جھجک کلمہ حق کہہ کر عظیم جہاد کرے اس طرح کہ فرعونی محلات میں بھی اللہ کے ڈر کی صدا لگانے سے اسے کوئی باز نہ رکھ سکے۔
اسلوب دعوت کے یہ عناصر بروئے کار لاکر ہی نبوی ومصطفوی دعوت کے نظام کو معاشرے میں جاری وساری کیا جاسکتا ہے اور اس کی اثر اندازی کی پیمائش اس روشنی سے کی جائے گی جو اس نظام کے داعیوں کے قول وعمل اور فکر ونظر سے شعاعوں کی صورت میں نکل کر معاشرے میں پھیل رہی ہوگی جس کا نظام دعوت اور اس کی حکمت سراجاً منیراصلی اللہ تعالیٰ علیہ وسلم کے جتنی زیادہ قریب ہوگی وہ معاشرے میں تبدیلی کے لیے اتنا موثر ہوگا۔
موثر دعوت کے لیے ضروری ہے کہ اس کے تمام تقاضے پورے کیے جائیں اور داعی بھی کردار کے ان تقاضوں سے بہرہ ور ہو جو اس کی دعوت کو موثر بناتے ہیں۔ داعی کے کردار کے حوالے سے مکی دور کی ابتدائی سورتیں ، سورۂ مزمل اور سورہ ٔمدثر اپنے اندر ایک پورا نصاب رکھتی ہیں کہ داعی کے اوصاف کیا ہونے چاہیے ان کی ذات وکردار میں کیا محاسن ہونے چاہیے۔
یہاںسورئہ مزمل کی چندآیات پرگفتگوکی جاتی ہے۔
ان لک فی النھارسبحاً طویلاً
ترجمہ: بے شک دن میں توتم کوبہت سے کام ہیں
یہاں اموردنیاکے انتظام وانصرام کاتذکرہ فرمایاکہ داعی کی زندگی معمولات زندگی سے خالی یاترک پرمشتمل نہیںہوتی بلکہ وہ اپنی تمام ترذمے داریوں اورحقوق العبادکی ادائیگی سے بھی غافل نہیںہوتابلکہ دنیاوی ذمے داریوں کی ادائیگی کامناسب واحسن انتظام وانصرام بھی داعی کے کردارکاایک اہم جزوہے ۔
واذکراسم ربک ترجمہ:اوراپنے رب کانام یادکرو
ذکرِکثیرداعی کے لیے ایک اسلحے اورہتھیارکی حیثیت رکھتاہے کہ یہ جہاںایک طرف داعی کے اندراس کی دعوت کارنگ پیداکرتاہے وہاں دوسری طرف رب ذوالجلال کے ساتھ اسے متعلق رکھتاہے ۔ حضرت موسیٰ علیہ السلام کوجب فرعون کے پاس دعوت حق دے کربھیجاگیاتوارشادفرمایاولاتنیافی ذکری یعنی اے موسیٰ میرے ذکرمیںسستی نہ کرناکیونکہ ذکرکثیردراصل مذکورسے وابستہ ہونے اورداعی کے تعلق کوزندہ وتازہ رکھنے کاذریعہ ہے جوذکرربانی کرتے کرتے ذکرحال تک پہنچ جاتاہے۔
رب المشرق والمغرب لاالہ الاھوفاتخذہ وکیلا
ترجمہ:وہ مشرق ومغرب کارب ہے اس کے سواکوئی معبودنہیںتوتم اسی کواپناکارسازبنائو۔
دعوت کاکام کرنے والوںکے لیے توکل اورتفویض بہت بڑی نعمت ہے۔ اگرداعی میں توکل ہوگاتووہ کبھی بھی نفسیاتی امراض کاشکارنہ ہوگااوراس کاحال یہ ہوگاکہ یاایھاالنفس المطمئنۃ ارجعی الیٰ ربک راضیۃ مرضیۃ یعنی اے اطمینان کرنے والی جان اپنے رب کی طرف لوٹ جااس طرح کہ تواس سے راضی اوروہ تجھ سے راضی ۔
یہ اطمینان اوررضائے الٰہی کی کیفیتِ توکل، داعی کوحاصل ہوگی۔
واصبرعلیٰ مایقولونترجمہ:اور(کافروںکی )باتوں پرصبرکرو
راہِ حق کی مشکلات پرصبرکرناداعی کاشیوہ ہے کہ داعیِ حق کی راہ میں لوگ رکاوٹیںکھڑی کریں گے ،طعنے گالیاں اورزیادتیاں ا س کے راستے میں آئیں گی ۔انبیاکے ساتھ بھی یہی ہوامگراس سب کے باوجودداعی کوچاہیے کہ وہ اپناکام ترک نہ کرے اورنہ ہی صبرکادامن اپنے ہاتھ سے چھوڑے ۔اقامت دین کاکام کرنے والے گالی اورغصے کاجواب گالی اورطعنے سے نہ دیں ۔مخالفین کاکام گالیاںدینااورطعنے واذیتیں دیناہے مگرداعی کاکام خوش خلقی اورخیرخواہی ہے کہ وہ مشکلات کے پہاڑہی کیوںنہ ہوںمگرانہیںوہ خندہ پیشانی سے سامناکرے اورصبرواستقامت کے ساتھ دعوت کاکام آگے بڑھائے جائے ۔
اسی طرح سورئہ مزمل کی ایک اورآیت کریمہ واھجرھم ھجراً جمیلاً(۷۳:۱۰)
جہاں مخالفین رکاوٹ بنیں توداعی کوہجرِجمیل کاراستہ اپناناہوگاکہ شرافت اوروـضع داری سے ان سے علیحدگی اختیارکرلے۔الجھنے سے توانائیاں اورصلاحیتیں بربادہوں گی ۔یہی تعلیم ہمیں سیرتِ نبوی سے ملتی ہے کہ لوگوںنے آپ پر ظلم کیا،جنگیں ہوئیں،مصائب وآلام آئے، آپ نے اپناوطن چھوڑامگرآپ نے مخالفین کے لیے بددعاتک نہیںکی کہ داعی کی شان یہ ہے کہ وہ دعوت دین کے کام کے اندرانتقام اوربے صبری پرنہ آئے ۔داعی کازیورصبراورہجرِجمیل ہے کہ اس کی برکت یہ ہے کہ داعی دینِ حق کاسپاہی ہے اس لیے داعی پرحملہ دین پرحملہ ہے ۔ دین حق کے داعیوںکودفاع ضرورکرناچاہیے کہ آقاصلی اللہ تعالیٰ علیہ وسلم کی حیات مبارکہ میں بھی غزوات ہوتے رہے مگرانتقام میںحدسے نہ بڑھے کہ مخالفین حق سے دنیاوآخرت میںانتقام اللہ لے گا۔دین کاکام اوردعوتِ حق کاکام کردارطلب کام ہے جب تک داعی مطلوبہ کرداراورصفات سے متصف نہ ہوگااس کی تمام ترمحنت نتیجہ خیزنہ ہوگی۔
دعوتِ دین کاکام کرنے والے اپنی طبیعتوں سے کچاپن ختم کریں۔کھری اورسچی باتیںکرناہی اہل حق کاشیوہ ہے۔داعی جب تک حق پرقائم نہیںہوتااس کی زندگی نتیجہ خیزی سے خالی ہوتی ہے ۔یہ نتیجہ خیزی ثقاہت، صداقتِ قول اورحضورِقلب سے آئے گی اور حضورِقلب کاذریعہ قیامِ لیل ہے۔
ایک دوسرے کی عیب پوشی کرو
از:مولانا مظہر حسین علیمی ،ممبئی
مذہبِ اسلام انسان کی لغزشوں اور خطاؤں پر پردہ ڈالنے کی ترغیب دلاتا ہے تاکہ جب کبھی وہ جرم وخطا میں مبتلاہو جائے تواس کو اصلاحِ نفس اور برائیوں کو دور کرنے کا موقع مل جائے ۔ پردہ پوشی اعلیٰ مکارم اخلاق میں سے ہے۔عیب پوشی اس وقت اوراہم ہوجاتی ہے جب وہ شخص معزز ہو یا عالم ہو یا قائد ورہنما یا ان جیسے معزز افراد ہوں۔ قرآن پاک میں ارشاد باری تعالیٰ ہے: اِنَّ الَّذِیْنَ یُحِبُّوْنَ أنْ تَشِیْعَ الْفَاحِشَۃُ فِیْ الَّذِیْنَ آمَنُوْا لَہُمْ عَذَابٌ اَلِیْمٌ فِیْ الدُّنْیَا وَالآخِرَۃِ وَاللّٰہُ یَعْلَمُ وَاَنْتُمْ لَاَتَعْلَمُوْنَ۔ (النور: ۱۹، ۲۴)
ترجمہ: وہ لوگ جو چاہتے ہیں کہ مسلمانوں میں برا چرچا پھیلے ان کے لیے درد ناک عذاب ہے دنیا وآخرت میں اور اللہ جانتا ہے تم نہیں جانتے۔ (کنزالایمان)
ہم سب کے خالق ومالک اللہ عزوجل نے اِیذا رسانی اور عیوب تلاش کرنے کی ممانعت میں ارشاد فرمایا:وَالَّذِیْنَ یُؤذُونَ الْمُؤمِنِیْنَ وَالْمُؤمِنَاتِ بِغَیْرِ مَا اکْتَسَبُوْا فَقَدْ اِحْتَمَلُوْا بُہْتَانًا وَّاِثْمًامُّبِیْنًا۔(الاحزاب ۳۳؍ ۵۸)
اور جو ایمان والے مردوں اور عورتوں کو بے کیے ستاتے ہیں انہوں نے بہتان اور کھلا گناہ اپنے سر لیا۔ (کنزالایمان)
عیب پوشی کی فضیلت واہمیت اور پردہ دری کی مذمت وشناعت پرکثیر احادیث موجودہیں ،یہاں چنداحادیث ملاحظہ فرمائیں ۔
حضرت عبداللہ ابن عمر رضی اللہ تعالیٰ عنہما سے مروی ہے کہ رسول خدا علیہ التحیۃ والثنا نے ارشاد فرمایا: مسلمان مسلمان کا بھائی ہے نہ وہ اس پر ظلم وزیادتی کرے اور نہ اسے تباہی کے حوالے کرے جو شخص اپنے بھائی کی حاجت بر آری میں لگا رہے گا اللہ عزوجل اس کی حاجت روائی فرمائے گا اور جو شخص کسی مسلمان پر سے کوئی مصیبت دور کرے گااللہ تعالیٰ قیامت کی مصیبتوں میں سے کوئی مصیبت اس پر سے دور فرمائے گا اور جو کوئی کسی مسلمان کی پردہ پوشی کرے گا اللہ تعالیٰ قیامت کے روز اس کی پردہ پوشی فرمائے گا۔( مسلم شریف)
حضرت ابوہریرہ رضی اللہ تعالیٰ عنہ بیان کرتے ہیں کہ رسول اللہ صلی اللہ علیہ وسلم نے فرمایا: لایستر عبدٌ عبداً فی الدنیا الا سترہ اللّٰہ یومَ القیٰمۃ یعنی جو کوئی دنیا میں کسی بندے کے عیب پر پردہ ڈالے گا اللہ عزوجل قیامت کے دن اس کے عیب پر پردہ ڈالے گا۔ (مسلم شریف)
حضرت ابوسعید خدری رضی اللہ تعالیٰ عنہ سے روایت ہے کہ سرکار صلی اللہ علیہ وسلم نے فرمایا: جو مسلمان اپنے بھائی کا عیب دیکھے اور اس پر پردہ ڈال دے اللہ عزوجل عیب پوشی کے عوض اسے جنت میں داخل فرمائے گا۔ (رواہ الطبرانی)
حضرت دخین ابو الہیثم( جو عقبہ بن عمر کے کاتب تھے )نے کہا کہ میں نے عقبہ بن عامر رضی اللہ تعالیٰ عنہ سے کہا کہ میرے کچھ پڑوسی ہیں جو شراب پیتے ہیں اور میں حکومت کے کارندوں کو انہیں گرفتار کرنے کے لیے بلاتا ہوں۔ عقبہ بن عامر رضی اللہ عنہ نے فرمایا ایسا مت کر و انہیں نصیحت کرو اور دھمکی دو۔ راوی کہتے ہیں کہ میں نے ان کو منع کیا لیکن وہ باز نہ آئے اب میں ان کو گرفتار کرنے کے لیے حکومت کے کارندوں کو بلاؤں گا۔ حضرت عقبہ بن عامر نے فرمایا: تم پر افسوس ہو ایسا مت کرو اس لیے کہ میں نے رسول اللہ صلی اللہ علیہ وسلم کو فرماتے سنا کہ جس نے عیب پوشی کی گویا اس نے قبر میں دفن کردی جانے والی کو زندہ کیا۔ (سنن ابو داؤد)
حضرت عبداللہ بن عباس رضی اللہ عنہما سے روایت ہے کہ نبی کریم صلی اللہ علیہ وسلم نے ارشادفرمایا: جس نے اپنے بھائی کی ستر پوشی کی اللہ تعالیٰ قیامت کے دن اس کی عیب پوشی فرمائے گا اور جس نے اپنے کسی مسلمان بھائی کو بے آبرو کیا اللہ اس کے عیوب کھول دے گا یہاں تک کہ اسے اس کے گھر میں رسو افرمائے گا۔(ابن ماجہ)
حضرت ابن عمر رضی اللہ عنہما سے مروی ہے کہ اللہ کے رسول صلی اللہ علیہ وسلم منبر پر رونق افروز ہوئے اور بآواز بلند ارشاد فرمایا: اے زبانی اسلام کاد عویٰ کرنے والو حال یہ ہے کہ ایمان تمہارے دل میں داخل نہیں ہوا ہے مسلمانوں کو اِیذا مت دو اور ان کے عیب تلاش نہ کرو اس لیے کہ جو اپنے مسلمان بھائی کے عیب کو تلاش کرتاہے اللہ اس کے عیب کوچھپنے نہیں دیتا اور جس کے عیب کو اللہ چھپنے نہ دے ضرور اسے رسوا کردے گا اگر چہ وہ اپنے گھر کے اندرہو۔ اور ایک روز حضرت ابن عمر نے کعبہ مقدسہ کو دیکھا تو فرمایا تو کتنا عظیم الشان اور عظیم المرتبت ہے مگر مومن کی حرمت وعزت اللہ کے نزدیک تجھ سے بھی زیادہ ہے۔ (رواہ الترمذی)
حضرت معاویہ رضی اللہ تعالیٰ عنہ سے مروی ہے کہ میں نے اللہ کے رسول صلی اللہ تعالیٰ علیہ وسلم کو فرماتے سنا کہ اگر تم مسلمانوں کے چھپے ہوئے عیوب کو تلاش کرو گے تو تم انہیں بگاڑ دوگے یا بگڑنے کے قریب کرد وگے۔ (ابو داؤد)
حضرت انس رضی اللہ تعالیٰ عنہ سے روایت ہے کہ رسول اللہ صلی اللہ تعالیٰ علیہ وسلم نے فرمایا: میرا رب جب مجھے آسمان پر لے گیا تو میرا گزر کچھ ایسے لوگوں پر ہوا جن کے ناخن تانبے کے تھے اور وہ اس سے اپنا چہرہ اور سینہ نوچ رہے تھے۔ میں نے کہاکہ اے جبرئیل! یہ کون لوگ ہیں؟ انہوں نے کہا کہ یہ وہ ہیں جو لوگوں کا گوشت کھاتے تھے اور ان کی عزت وآبرو کے پیچھے پڑے رہتے تھے۔ (احمد، ابوداؤد)
حضرت ابوہریرہ رضی اللہ عنہ روایت فرماتے ہیں کہ میں نے رسول اکرم صلی اللہ علیہ وسلم کو فرماتے سنا (اپنے عیب کا) اظہار کرنے والوں کے علاوہ میری اُمت کے تمام لوگوں کے لیے معافی ہے۔ اظہار کی صورت یہ ہے کہ کوئی شخص رات کو ایک عمل کرتا ہے پھر صبح کے وقت جب کہ اللہ نے اس کی پردہ پوشی فرمائی، کہتا ہے میں نے فلاں فلاں عمل کیا حالاں کہ رات کے وقت اس کے رب نے پردہ ڈالا تھا لیکن وہ بوقت صبح اللہ کے پردہ کو چاک کردیتاہے۔ (بخاری ومسلم)
حضرت ابودردارضی اللہ تعالیٰ عنہ بیان فرماتے ہیں کہ میں نے رسول اللہ صلی اللہ تعالیٰ علیہ وسلم کوفرماتے سنا:جومسلمان اپنے بھائی کی آبروکی حفاظت وصیانت کی غرض سے جواب دہی کرتاہے تواللہ اپنے ذمۂ کرم پر یہ حق لے لیتا ہے کہ قیامت کے دن وہ اسے جہنم کی آگ سے بچائے۔اس کے بعد آپ نے قرآن پاک کی یہ آیت ’’وَکَانَ حَقًّا عَلَیْنَانَصْرُالْمُؤمِنِیْنَ‘‘(الروم،۳۰:۴۷)اور اہل ایمان کی مددتوہم پرحق ہے۔
عیب پوشی کے بارے میں جوآیات اور احادیث پیش کی گئی ہیں وہ اس بات پرروشن دلیل ہیں کہ مذہب اسلام کسی کی پردہ دری کوہرگز روانہیں رکھتا۔وہ اپنے متبعین کوپردہ دری نہیں بلکہ عیب پوشی کاحکم دیتاہے ۔اسلام یوں توکسی کی بھی رسوائی کوپسندنہیں کرتالیکن اہل ایمان کے معاملے میں تووہ مسلمانوں کوحددرجہ متنبہ کرتاہے کہ وہ اپنے مسلمان بھائی کی عیب پوشی نہ کریںاور انہیں حتی المقدوربے آبرو ہونے سے بچائیں۔
اگر ہم اور آپ چاہتے ہیں کہ قیامت کے ہولناک دن ہمارے گناہوں ،بداعمالیوں اور خطائوں پرپردہ ڈال دیاجائے توآج اس دنیا میں اپنے بھائیوں کی پردہ پوشی کرنے کی عادت بنالیں،کل بروزقیامت خدائے قہاروجباراپنی صفت ستّاری سے ہمارے گناہوں کوچھپادے گااور اولین وآخرین کے مجمع میں رسواہونے سے بچالے گا۔رب تعالیٰ ہم سب کوتوفیق بخشے۔
{…}
