Aayaat-e-Quraani Ki Hairat Angez Taaseer Ka Ek Namuuna
Peshkash: Najeebullah Noori Najmi
Quraan-e-Hakeem ki aayaat mein Khudaa-e-Qudduus ne bijli ki taaseer se bhi zyaada hairat angez aur ta’ajjub khez taaseeraat rakhi hain, jiska andaaza un khush naseeb Musalmaano.n ko khuub hota hai jo aayaat-e-Quraani ka wird karte hain. Ham yahaa.n namuune ke taur par ek aayat ki hairat angez taaseer ki ek shahaadat pesh karte hain.
‘Allaama Ajhuuri ne apni kitaab "Fazaail-e-Ramzaan" mein tehreer farmaaya hai ki ek martaba kuch log samandar mein kashti par sawaar hokar safar kar rahe the, to samandar mein se ek aawaaz dene waale ki aawaaz aai magar uski suurat dikhaai nahi padi. Usne kaha: "Agar koi shakhs mujhe das hazaar deenaar de de to main use ek aisa wazeefa bataau.n ga ke agar woh halaakat ke qareeb poho.nch gaya ho aur is wazeefe ko padh le to tamaam balaae.n wa halaakate.n tal jaae.ngi." To kashti waalo.n mein se ek ne baland aawaaz mein kaha: "Aa main, tujh ko das hazaar deenaar deta hu.n, tu mujhe woh wazeefa bata de." To aawaaz aai: "Tu deenaaro.n ko samandar mein daal de, mujhe mil jaae.nge."
Chunaa.nche kashti waalo.n ne das hazaar deenaaro.n ko samandar mein daal diya, to us ghaibi aawaaz dene waale ne kaha:
Waazeefa:
" وَ مَنْ یَّـتَّقِ اللّٰہَ یَجْعَل لَّہ مَخْرَجًاوَّ یَرْزُقْہُ مِنْ حَیْثُ لَایَحْتَسِبُ وَمَنْ یَّتَوَکَّلْ عَلَی اللّٰہِ فَہُوَ حَسْبُہ اِنَّ اللہَ بَالِغُ اَمْرِہٖ قَدْجَعَلَ اللہُ لِکُلِّ شَیْء ٍ قَدْرًا۔"
Tarjama:
"Aur Jo Allaah se dare, Allaah us ke liye najaat ki raah nikaal dega, aur use wahaa.n se rozi dega jahaa.n uska gumaan na ho Aur jo Allaah par bharosa kare to woh use kaafi hai. Beshak Allaah apna kaam puura karne wala hai. Beshak Allaah ne har cheez ka ek andaaza rakha hai."
"Tujh par jab koi museebat pade to isko padh liya karo."
Yeh sun kar kashti ke sab sawaaro.n ne uska mazaaq udaaya aur kaha ki "Tu ne das hazaar deenaaro.n ki kaseer daulat zaae’ kar di." To usne jawaab diya ki "Main ne hargiz hargiz apni daulat ko zaae’ nahi kiya hai, aur mujhe is mein koi shubha nahi.n hai ki yeh Quraan Shareef ki aayat zaruur nafaa’ bakhsh hogi."
Us ke baad chand din kashti chalti rahi, phir achaanak tuufaan ki maujo.n se kashti tuut kar tuut kar bikhar gai aur siwaae us aadmi ke kashti ka koi aadmi zinda nahi.n bacha. Ye kashti ke ek takhte par baitha hua samandar mein behta chala jaa raha tha, yahaa.n tak ki ek jazeere mein utar pada. Aur chand qadam chal kar ye dekha ki ek shaandaar mahal bana hua hai, aur har qism ke moti-o-jawaaharaat pade hue hain. Aur us mahal mein ek bohot hi haseen ‘aurat akeli baithi hui hai, aur har qism ke mewe aur khaane ke saamaan wahaa.n rakhe hue hai.
Us ‘aurat ne us se puucha ki: "Tum kon ho aur kaise yahaa.n poho.nch gae?"
To us ne ‘aurat se puucha: "Tum kon ho aur yahaa.n kya kar rahi ho?"
To us ‘aurat ne apna qissa sunaaya ki: "Main Basra ke ek ‘azeem taajir ki beti huu.n. Main apne baap ke saath samundari safar ko ja rahi thi ki hamaari kashti tuut gai aur mujhe koi achaanak kashti se uchak kar le bhaaga aur main is jazeere ke is mahal ke andar us waqt se padhi huu.n. Ek shaitaan hai jo mujhe is mahal mein le aaya hai. Woh har saatwe din yahaa.n aata hai aur mere saath sohbat to nahi karta, magar buus-o-kinaar karta hai. Aur aaj us ke yahaa.n aane ka din hai. Lihaaza tum apni jaan bacha kar yahaa.n se bhaag jao, warna wo aakar tum par hamla kar dega."
Abhi us ‘aurat ki guftagu khatm bhi nahi.n hui thi ki ek dam andhera chha gaya, to ‘aurat ne kaha ki: "Jaldi bhaag jaao, wo aa raha hai, warna tum ko zaruur halaak kar dega."
Chunaa.nche wo aa gaya, aur ye shakhs khada raha. Magar juu.n hi shaitaan us ko dabochne ke liye aage badha, to usne "ومن یتق اللہ" ka wazeefa padhna shuru’ kar diya, to shaitaan zameen par gir pada aur zor ki aawaaz aai goya pahaad ka koi tukda tuut kar gir pada ho, aur wo shaitaan jal kar raakh ka dher ho gaya.
Yeh dekh kar ‘aurat ne kaha: "Allaah Ta’ala ne tum ko farishta-e-rahmat bana kar mere paas bhej diya hai. Tumhaari badaulat mujhe is shaitaan se najaat mili."
Phir us ‘aurat ne us mard se kaha: "In moti jawaaharaat ko utha lo aur is mahal se nikal kar mere saath samundar ke kinaare chalo aur kashti talaash karke yahaa.n se nikal chalo."
Chunaa.nche bohot se heere jawaaharaat, phal waghaira khaane ka saamaan le kar dono.n mahal se nikle, aur samundar ke kinaare poho.nche, to ek kashti Basrah ja rahi thi. Dono.n us par sawaar hokar Basrah poho.nche. Ladki ke waalidain apni gumshuda ladki ko paa kar be had khush hue aur us mard ke mamnuun-o-ehsaan hokar us ko bohot ‘izzat-o-ehteraam ke saath apne ghar mein rakha.
Phir ladki ke waalidain ne poori sarguzasht sun kar dono.n ka nikaah kar diya aur dono.n miyaa.n beewi ban kar rehne lage. Aur tamaam moti jawaaharaat jo jazeere se laae the, woh dono.n ki mushtarka daulat ban gai. Aur us ‘aurat se Khuda-e-Ta’aala ne us mard ko chand aulaad bhi di. Wo dono bohot hi ulfat-o-muhabbat ke saath khush haal zindagi basar karne lage.
Sabaq:
Ye hairat angez taaseer hai Aayat-e-Taqwa ki. Phir agar Musalmaan is par 'aamil ho jaae to is ki taaseer kis qadr hogi. Yaqeenan agar Musalmaan is aayat par ‘amal paira ho jaae.n to un ki aakhirat ki zindagi bhi pursukuun ho jaae, kyu.nki taqwa ki manzil Jannat-e-‘Adn hi hai.
آیاتِ قرآنی کی حیرت انگیز تاثیر کا ایک نمونہ
پیش کش:نجیب اللہ نوری نجمی
قرآنِ حکیم کی آیات میں خداے قدوس نے بجلی کی تاثیر سے بھی زیادہ حیرت انگیز اور تعجب خیز تاثیرات رکھی ہیں جس کا اندازہ ان خوش نصیب مسلمانوں کو خوب ہوتا ہے جو آیات قرآنی کا ورد کرتے ہیں ہم یہاں نمونے کے طور پر ایک آیت کی حیرت انگیز تاثیر کی ایک شہادت پیش کرتے ہیں۔
علامہ اجہوری نے اپنی کتاب ’’فضائل رمضان‘‘ میں تحریر فرمایا ہے کہ ایک مرتبہ کچھ لوگ سمندر میں کشتی پر سوار ہوکر سفر کررہے تھے تو سمندر میں سے ایک آواز دینے والے کی آواز آئی مگر اس کی صورت دکھائی نہیں پڑی۔ اس نے کہا اگر کوئی شخص مجھے دس ہزار دینار دے دے تو میں اسے ایک ایسا وظیفہ بتاؤں گا اگر وہ ہلاکت کے قریب پہنچ گیا ہو اور اس وظیفہ کو پڑھ لے تو تمام بلائیں وہلاکتیں ٹل جائیں گی۔ تو کشتی والوں میں سے ایک نے بلند آواز میں کہا آمیں تجھ کو دس ہزار دینار دیتا ہوں تو مجھے وہ وظیفہ بتادے تو آواز آئی تو دیناروں کو سمندر میں ڈال دے، مجھے مل جائیں گے۔
چناںچہ کشتی والے دس ہزار دیناروں کو سمندر میں ڈال دیا تو اس غیبی آواز دینے والے نے کہا وہ وظیفہ: وَ مَنْ یَّـتَّقِ اللّٰہَ یَجْعَل لَّہ مَخْرَجًاوَّ یَرْزُقْہُ مِنْ حَیْثُ لَایَحْتَسِبُ وَمَنْ یَّتَوَکَّلْ عَلَی اللّٰہِ فَہُوَ حَسْبُہ اِنَّ اللہَ بَالِغُ اَمْرِہٖ قَدْجَعَلَ اللہُ لِکُلِّ شَیْء ٍ قَدْرًا۔ہے۔
ترجمہ: اور جو اللہ سے ڈرے اللہ اس کے لیے نجات کی راہ نکال دے گا اور اسے وہاں سے روزی دے گا جہاں اس کا گمان نہ ہو اور جو اللہ پر بھروسہ کرے تو وہ اسے کافی ہے بیشک اللہ اپنا کام پورا کرنے والا ہے بیشک اللہ نے ہر چیز کا ایک اندازہ رکھا ہے ۔
تجھ پر جب کوئی مصیبت پڑے تو اس کو پڑھ لیا کرو، یہ سن کر کشتی کے سب سواروں نے اس کا مذاق اڑیاا اور کہا کہ تو نے دس ہزار دیناروں کی کثیر دولت ضائع کردی۔ تو اس نے جواب دیا کہ میں نے ہرگز ہرگز اپنی دولت کو ضائع نہیں کیا ہے اورمجھے اس میں کوئی شبہ نہیں ہے کہ یہ قرآن شریف کی آیت ضرور نفع بخش ہوگی۔ اس کے بعد چند دن کشتی چلتی رہی پھر اچانک طوفان کی موجوں سے کشتی ٹوٹ کر بکھر گئی اور سواے اس آدمی کے کشتی کا کوئی آدمی زندہ نہیں بچا۔ یہ کشتی کے ایک تختے پر بیٹھا ہوا سمندر میں بہتا چلا جارہاتھا یہاں تک کہ ایک جزیرہ میں اتر پڑا۔ اور چند قدم چل کر یہ دیکھا کہ ایک شاندار محل بنا ہوا ہے اور ہر قسم کے موتی وجواہرات پڑے ہوئے ہیں اور اس محل میں ایک بہت ہی حسین عورت اکیلی بیٹھی ہوئی ہے اور ہر قسم کے میوے اور کھانے کے سامان وہاں رکھے ہوئے ہیں۔ اس عورت نے اس سے پوچھا کہ تم کون ہو اور کیسے یہاں پہونچ گئے؟ تو اس نے عورت سے پوچھا: تم کون ہو اور یہاں کیا کررہی ہو؟ تو اس عورت نے اپنا قصہ سنایا کہ میں بصرہ کے ایک عظیم تاجر کی بیٹی ہوں میں اپنے باپ کے ساتھ سمندری سفر کو جارہی تھی کہ ہماری کشتی ٹوٹ گئی اور مجھے کوئی اچانک کشتی سے اچک کر لے بھاگا اور میں اس جزیرہ اس محل کے اندر اس وقت سے پڑی ہوں۔ ایک شیطان ہے جو مجھے اس محل میں لے آیا ہے۔ وہ ہر ساتویں دن یہاں آتا ہے اور میرے ساتھ صحبت تو نہیں کرتا۔ مگربوس وکنار کرتا ہے۔ اور آج اس کے یہاں آنے کا دن ہے۔ لہٰذا تم اپنی جان بچا کر یہاں سے بھاگ جاؤ۔ ورنہ وہ آکر تم پر حملہ کردے گا۔ ابھی اس عورت کی گفتگو ختم بھی نہیں ہوئی تھی کہ ایک دم اندھیرا چھا گیا تو عورت نے کہا کہ جلدی بھاگ جاؤ وہ آرہا ہے ورنہ تم کو ضرور ہلاک کردے گا۔ چناںچہ وہ آگیا اور یہ شخص کھڑا رہا۔ مگر جوں ہی شیطان اس کو دبوچنے کے لیے آگے بڑھا تو اس نے’’ ومن یتق اللہ‘‘ کا وظیفہ پڑھنا شروع کردیا تو شیطان زمین پر گر پڑا اور اس زور کی آواز آئی گویا پہاڑ کا کوئی ٹکڑا ٹوٹ کر گر پڑا ہے اور وہ شیطان جل کر راکھ کا ڈھیر ہوگیا۔ یہ دیکھ کر عورت نے کہا کہ اللہ تعالیٰ نے تم کو فرشتۂ رحمت بنا کر میرے پاس بھیج دیا ہے۔ تمہاری بدولت مجھے اس شیطان سے نجات ملی۔ پھر اس عورت نے اس مرد سے کہا ان موتی جواہرات کو اٹھا لو اور اس محل سے نکل کر میرے ساتھ سمندر کے کنارے چلو اور کشتی تلاش کرکے یہاں سے نکل چلو۔ چنانچہ بہت سے ہیرے جواہرات پھل وغیرہ کھانے کاسامان لے کر دونوں محل سے نکلے اور سمندر کے کنارے پہونچے تو ایک کشتی بصرہ جارہی تھی۔ دونوں اس پر سوار ہوکر بصرہ پہونچے، لڑکی کے والدین اپنی گمشدہ لڑکی کو پاکر بے حد خوش ہوئے اور اس مردکے ممنون واحسان ہوکر اس کو بہت عزت واحترام کے ساتھ اپنے گھر میں رکھا۔ پھر لڑکی کے والدین نے پوری سرگزشت سن کر دونوں کا نکاح کردیا اور دونوں میاں بیوی بن کر رہنے لگے اور تمام موتی وجواہرات جو جزیرہ سے لائے تھے۔ وہ دونوں کی مشترکہ دولت بن گئے اور اس عورت سے خداوند تعالیٰ نے اس مرد کو چند اولاد بھی دی۔ وہ دونوں بہت ہی الفت ومحبت کے ساتھ خوش حال زندگی بسر کرنے لگے۔
سبق: یہ حیرت انگیز تاثیر ہے آیت تقویٰ کی، پھر اگر مسلمان اس پر عامل ہوجائے تو اس کی تاثیر کس قدر ہوگی۔ یقینا اگر مسلمان اس آیت پر عمل پیرا ہوجائیں توان کی آخرت کی زندگی بھی پرسکوں ہوجائے کیوں کہ تقویٰ کی منزل جنت عدن ہی ہے۔
