Huzuur Ghaus Paak Rehmatullah ‘Alaih (13) ‘uluum me taqreer farmaaya karte the. Ek jagah ‘Allaama ‘Abdul Wahaab Sha’raani Rehmatullah ‘Alaih farmaate hain ki Huzuur Ghaus-e-A’zam Rehmatullah ‘Alaih ke madrasa ‘aaliya me log unse mukhtalif ‘uluum-o-funuun padha karte the. Dopehar se pehle aur ba’ad dono.n waqt aap Rehmatullah ‘Alaih logo.n ko Tafseer, Hadees, Fiqh, Kalaam, Usuul aur Nahw padhaate the aur Zuhr ke ba’ad mukhtalif qira-ato.n ke saath Quraan Majeed padhaate the. (At-Tabaqaat al-Kubra lil-Sha’raani, Jild: 1, Safha: 179)
Bilaad-e-‘Ajam se ek sawaal aaya ke ek shakhs ne teen talaaqo.n ki qasam is taur par khaai hai ki woh Allah Ta’aala ki aisi ‘ibaadat karega ki jis waqt woh ‘ibaadat me mashghuul ho to logo.n me se koi shakhs bhi woh ‘ibaadat na kar raha ho, agar woh aisa na kar saka to uski beewi ko teen talaaqe.n ho jaae.n. To is suurat me kaunsi ‘ibaadat karni chaahiye? Is sawaal se ‘ulamaa-e-‘Iraq hairaan aur shashd reh gae. Aur is mas-ale ko unho.n ne Huzuur Ghaus-e-A’zam Rehmatullah ‘Alaih ki khidmat me pesh kiya to aap Rehmatullah ‘Alaih ne fauran iska jawaab irshaad farmaaya ki woh shakhs Makkah Mukarramah chala jaae aur tawaaf ki jagah sirf apne liye khaali karaae aur tanha saat martaba tawaaf karke apni qasam ko puura kare. Is shaafi jawaab se ‘ulamaa-e-‘Iraq ko nihaayat ta’ajjub hua kyu.nke woh is sawaal ke jawaab se ‘aajiz ho gae the. (Bahjat al-Asraar, Safha: 226)
Ek martaba Huzuur Ghaus Paak Rehmatullah ‘Alaih se kisi ne puucha ke shukr kya hota hai? To aap Rehmatullah ‘Alaih ne irshaad farmaaya ke shukr ki haqeeqat ye hai kI ‘aajizi karte hue ne’mat dene waale ki ne’mat ka iqraar ho aur isi tarah ‘aajizi karte hue Allah Ta’aala ke ehsaan ko maane aur apna ye zehen banaae ki shukr karne ka haq ada nahi.n paaya. (Bahjat al-Asraar, Safha: 234)
Mahbuub-e-Subhaani Sayyiduna Shaikh ‘Abdul Qaadir Jilaani Rehmatullah ‘Alaih farmaate hain:
“Jis shakhs ka ‘ilm zyaada ho use chaahiye ki khauf-e-Khuda aur ‘ibaadat bhi zyaada kare. ‘Ilm ke mudda’i! Khauf-e-Khuda se tera rona kahaa.n hai…? Tera dar aur wehshat kahaa.n hai…? Gunaaho.n ka iqraar kahaa.n…? Raat aur din ‘ibaadat me ek kar dena kahaa.n…? Nafs ko ba-adab banaana aur al-hubbu lillaah wal-bughzu lillaah kahaa.n…? Tumhaari himmat jubba-o-dastaar, khaana, nikaah, dukaan, khalqat ki mehfil aur unka uns hai, apni in tamaam cheezo.n se khud ko alag kar. Ye cheeze.n agar tumhaare naseeb me hain to apne waqt par mil jaae.ngi aur tumhaara dil intezaar ki koft se aaraam paaega.” (Fath al-Rabbani, Safha: 82)
Ikhlaas-e-‘amal ki ahmiyat ko waazeh karte hue Huzuur Sayyiduna Ghaus al-A’zam Quddisa Sirruhu farmaate hain:
“Tujh par afsos! Tu mushrik, munaafiq, be deen, murtad hai. Tujh par afsos! Mulamma’ kis ko dikhaata hai, jo aankho.n ki khayaanat aur seene ke raazo.n se waaqif hai. Tujh par afsos! Namaaz me khada hokar Allahu Akbar kehta hai aur jhuut bhi bolta hai. Tere dil me makhlooq, Allah se badi hai. Allah ke saamne tauba kar. Nek ‘amal ghair ke liye na kar aur na duniya aur na aakhirat ke liye kar balki khaas Allah ki zaat ka iraada rakh. Rabbaani parwarish ka haq ada kar. Ta’reef aur sifat-e-‘ata aur be-‘ata ke liye ‘amal na kar. Tujh par afsos! Tera rizq kam zyaada na hoga, neki aur badi ka tujh par hukm lag chuka hai, woh zaruur aaegi. Jis cheez mein faraaghat hai, us mein mashghuul na ho. Us ki ‘ibaadat me laga reh, hirs kam, ummeed kotah aur maut aankho.n ke saamne rakh, zaruur najaat haasil karega. Tamaam ahwaal me shari’at ki paabandi kar.” (Fath Ae-Rabbaani, Safha: 167)
Ek aur maqaam par Huzuur Ghaus Paak farmaate hain:
“Ghair Allah ke paas gila aur shikaayat na karo kyu.nki is se tum par aur bala badhegi balki khaamosh aur saakin aur gam ho raho. Us ke saamne saabit qadam raho aur dekho ki woh tumhaare saath aur tumhaare darmiyaan kya karta hai aur us ke tasarrufaat par izhaar-e-khushi karo. Agar tum us ke saath is tarah pesh aaoge to zaruur wehshat ko unsiyat se aur ranj-o-tanhaai ko khushi se badal dega.” (Fath Ar-Rabbani, Safha: 66)
حضور غوث پاک رحمۃ اللہ علیہ تیرہ (13) علوم میں تقریر فرمایا کرتے تھے۔ ایک جگہ علامہ عبدالوہاب شعرانی رحمۃ اللہ علیہ فرماتے ہیں کہ حضور غوثِ اعظم رحمۃ اللہ علیہ کے مدرسہ عالیہ میں لوگ ان سے مختلف علوم و فنون پڑھا کرتے تھے۔ دوپہر سے پہلے اور بعد دونوں وقت آپ رحمۃ اللہ علیہ لوگوں کو تفسیر، حدیث، فقہ، کلام، اصول اور نحو پڑھاتے تھے اور ظہر کے بعد مختلف قراءتوں کے ساتھ قرآنِ مجید پڑھاتے تھے۔(الطبقات الکبریٰ للشعرانی،ج۱،ص۱۷۹)
بلادِ عجم سے ایک سوال آیا کہ ایک شخص نے تین طلاقوں کی قسم اس طور پر کھائی ہے کہ وہ اللّٰہ تعالٰی کی ایسی عبادت کرے گا کہ جس وقت وہ عبادت میں مشغول ہو تو لوگوں میں سے کوئی شخص بھی وہ عبادت نہ کررہا ہو، اگر وہ ایسا نہ کرسکا تو اس کی بیوی کو تین طلاقیں ہوجائیں، تو اس صورت میں کون سی عبادت کرنی چاہیے؟ اس سوال سے علماءِ عراق حیران اور ششد رہ گئے۔ اور اس مسئلہ کو انہوں نے حضور غوثِ اعظم رحمۃ اللہ علیہ کی خدمتِ اقدس میں پیش کیا تو آپ رحمۃ اللہ علیہ کے فوراً اس کا جواب ارشاد فرمایا کہ وہ شخص مکۂ مکرمہ چلا جائے اور طواف کی جگہ صرف اپنے لئے خالی کرائے اور تنہا سات مرتبہ طواف کرکے اپنی قسم کو پورا کرے۔ اس شافی جواب سے علماءِ عراق کو نہایت ہی تعجب ہوا کیوں کہ وہ اس سوال کے جواب سے عاجز ہوگئے تھے۔(بہجۃ الاسرار، ص:226)
ایک مرتبہ حضور غوث پاک رحمۃ اللہ علیہ سے کسی نے پوچھا کہ شُکر کیا ہوتا ہے؟ تو آپ رحمۃ اللہ علیہ نے ارشاد فرمایا کہ شکر کی حقیقت یہ ہے کہ عاجزی کرتے ہوئے نعمت دینے والے کی نعمت کا اقرار ہو اور اسی طرح عاجزی کرتے ہوئے اللّٰہ تعالٰی کے احسان کو مانے اور اپنا یہ ذہن بنائے کہ شکر کرنے کا حق ادا نہیں پایا۔(بہجۃ الاسرار، ص:234)
محبوب سبحانی سیدنا شیخ عبدالقادر جیلانی رحمۃ اللہ علیہ فرماتے ہیں:
’’جس شخص کا علم زیادہ ہو اسے چاہئے کہ خوفِ خدا اور عبادت بھی زیادہ کرے۔ علم کے مدعی! خوفِ خدا سے تیرا رونا کہاں ہے۔۔۔؟ تیرا ڈر اور وہشت کہاں ہے۔۔۔؟ گناہوں کا اقرار کہاں۔۔۔؟ رات اور دن عبادت میں ایک کردینا کہاں۔۔۔؟ نفس کو باادب بنانا اور الحب للہ والبغض للہ کہاں۔۔۔؟ تمہاری ہمت جبہ و دستار، کھانا، نکاح، دکان، خلقت کی محفل اور ان کا انس ہے، اپنی ان تمام چیزوں سے خود کو الگ کر۔ یہ چیزیں اگر تمہارے نصیب میں ہیں تو اپنے وقت پر مل جائیں گی اور تمہارا دل انتظار کی کوفت سے آرام پائے گا‘‘۔(فتح الربانی، صفحہ: 82)
اخلاصِ عمل کی اہمیت کو واضح کرتے ہوئے حضور سیدنا غوث الاعظم قدس سرہ فرماتے ہیں:
’’تجھ پر افسوس! تو مشرک، منافق، بے دین، مرتد ہے۔ تجھ پر افسوس! ملمع کس کو دکھاتا ہے، جو آنکھوں کی خیانت اور سینے کے رازوں سے واقف ہے۔ تجھ پر افسوس! نماز میں کھڑا ہوکر اللہ اکبر کہتا ہے اور جھوٹ بھی بولتا ہے۔ تیرے دل میں مخلوق، اللہ سے بڑی ہے۔ اللہ کے سامنے توبہ کر۔ نیک عمل غیر کے لیے نہ کر اور نہ دنیا اور نہ آخرت کے لیے کر بلکہ خاص اللہ کی ذات کا ارادہ رکھ۔ ربانی پرورش کا حق ادا کر۔ تعریف اور صفتِ عطا اور بے عطا کے لیے عمل نہ کر۔ تجھ پر افسوس! تیرا رزق کم زیادہ نہ ہوگا، نیکی اور بدی کا تجھ پر حکم لگ چکا ہے، وہ ضرور آئے گی۔ جس چیز میں فراغت ہے، اس میں مشغول نہ ہو۔ اس کی عبادت میں لگا رہ، حرص کم، امید کو تاہ اور موت آنکھوں کے سامنے رکھ، ضرور نجات حاصل کرے گا۔ تمام احوال میں شریعت کی پابندی کر‘‘۔(فتح الربانی، صفحہ: 167)
ایک اور مقام پرحضور غوث پاک فرماتے ہیں:
’’غیر اللہ کے پاس گلہ اور شکایت نہ کرو کیو ںکہ اس سے تم پر اور بلا بڑھے گی بلکہ خاموش اور ساکن اور گم ہو رہو۔ اس کے سامنے ثابت قدم رہو اور دیکھو کہ وہ تمہارے ساتھ اور تمہارے درمیان کیا کرتا ہے اور اس کے تصرفات پر اظہارِ خوشی کرو۔ اگر تم اس کے ساتھ اس طرح پیش آئو گے تو ضرور وحشت کو انسیت سے اور رنج و تنہائی کو خوشی سے بدل دے گا‘‘۔(فتح الربانی، صفحہ: 66)
