مفتی فاروق خاں مہائمی مصباحی کا ارمغان محبت!
مفتی فاروق خاں مہائمی مصباحی کا ارمغان محبت!
ہندوستان ایک وسیع وعریض ملک ہے ۔اس میں بے شمار اولیا وصلحا اور اقطاب وابدال آرام فرماہیں ۔یہ مبارک ہستیاں اس زمین کے اوپر بھی اہل زمیں کے لیے باعث برکت اور منبع نور وہدایت تھیں اور پردہ فرما جانے کے بعد بھی اہل عقیدت ومحبت کے بے قرار دلوں کا قرار ہیں ۔ ان میں بہت سے مجمع البحرین تھے ۔میدان علم ومعرفت کے شہسوار تھے ۔یہ جہاں علوم ظاہری میں لوگوں کی رہنمائی کرتے تھے وہیں ان کی باطنی کیفیات کو بھی سنوارا کرتے تھے ۔ان کے در کی جبہ سائی جس کے مقدر میں آئی ،اس کی بگڑی بن آئی اور جو ان کی نگاہ سے گرا ،وہ دنیا وآخرت میں خائب وخاسر ٹھہرا ۔۔۔۔۔۔۔
قطب کوکن حضرت مخدوم فقیہ علی بن احمد مہائمی شافعی رحمہ اللہ (۷۷۶ھ-۸۳۵ھ) ایسی ہی جلیل القدر اور صاحب شریعت وطریقت ہستی کی مالک تھے ۔ آپ کے حالات زندگی پر مشتمل مختصر رسالہ ” ضمیر الانسان ” پڑھنے سے معلوم ہوا کہ اللہ پاک نے آپ کو ” بالائے سرش زہوش مندی ۔می تافت ستارہ بلندی ۔ کا مصداق بنایا تھا ۔آپ صاحب کشف وکرامت ولی ہونے کے ساتھ مختلف علوم ظاہری پر بھی کامل دسترس رکھتے تھے جیسا کہ آپ کی تصانیف سے معلوم ہوتا ہے ۔
ہمارے ماضی قریب کے اسلاف کے اخلاف یا ان کے عقیدت مندوں کے یہاں یہ رسم چل نکلی ہے کہ اپنے اسلاف کے علمی کارناموں کو منظر عام پر لانے کے بجائے ان کے اعراس منعقد کرکے چادر وگھاگر کے میلے لگا کر خوب عیش وعشرت کی محفل سجاتے ہیں یا پھر زیادہ سے زیادہ کوئی جلسہ کرکے چند پیشہ ور مقررین کے ذریعہ ” پدرم سلطان بود ” کے نعرے لگاکر خوش ہوجاتے ہیں ۔وجہ یہی ہے کہ اس میں محنت زیادہ لگتی ہے نہ زیادہ پیسہ ۔۔ایسے بے ڈھنگے ماحول میں” مولا علی ریسرچ سینٹر مینارہ مسجد ممبئی ” کی طرف سے مخدوم مہائمی کی تصانیف کی اشاعت باد نسیم کے ٹھنڈے جھونکے سے کم نہیں ہے ۔
مخدوم مہائمی کی کتب پر تحقیق وتخریج اور ترجمہ وتعلیق کا فریضہ ممدوح گرامی حضرت علامہ مفتی فاروق مہائمی مصباحی نے انجام دیا ہے ۔کسی متن کی تحقیق وتصحیح کا کام کتنا مشکل ہے ،اس کا اندازہ اسی کو ہے جس نے اس میدان میں جادہ پیمائی کی ہو ۔ بہرحال یہ کتابیں جہاں ہمیں مخدوم مہائمی کی سیرت اور آپ کی علمی وروحانی شخصیت کا تعارف کراتی ہیں وہیں مفتی صاحب قبلہ کے اعلا ذوق تحقیق سے بھی روشناس کرتی ہیں ۔مفتی صاحب بجا طور پر ہماری طرف سے شکریہ کے مستحق ہیں کہ انھوں نے مسجد نعمان بن ثابت پالی ہل جموں کی لائبریری کے لیے یہ کتابیں ارسال کرکے ہمیں ایک فقیہ اور ولی کامل سے مستفیض ہونے کا موقع فراہم کیا !
جاوید اقبال علیمی
امام و خطیب جامع مسجد نعمان بن ثابت پالی ہل جموں
١٩/٠٦/٢٠٢٥
“Muhabbat jab ilm se milti hai, to tareekh banti hai.”
Hindustan aik wasee‘ o areez mulk hai. Is sar-zameen par be-shumaar Auliya, Sulaha, Aqtaab aur Abdaal aaraam-farma hue hain. Ye mubarak hastiyan apni zindagi mein bhi ahl-e-zameen ke liye barakat, noor aur hidayat ka sarchashma rahin aur parda farma jane ke baad bhi ahl-e-aqeedat o muhabbat ke be-qarar dilon ka qarar hain.
In buzurgon mein se bohot se Majma‘-ul-Bahrain thay, ilm o ma‘rifat ke shehsawaar thay. Ye log jahan uloom-e-zahiri mein rehnumai karte, wahin batini kaifiyat ko bhi sanwarte thay.
Jis ke muqaddar mein unke dar ki jabeen-sai aayi, uski bigri ban aayi; aur jo unki nigah se gira, woh dunya o aakhirat dono mein khaib o khasir thehra.
Qutb-e-Kokan, Hazrat Makhdoom Faqih Ali bin Ahmed Mahaimi Shafi‘i رحمہ اللہ (776ھ–835ھ) bhi isi qisam ki jaleel-ul-qadr, sahib-e-shari‘at o tariqat hasti thay.
Aap ki zindagi par mushtamil mukhtasir risala “Zameer-ul-Insaan” padh kar maloom hota hai ke Allah Pak ne aap ko is sher ka misdaaq banaya tha:
“Bala-e-sarash ze hosmandi,
Me-taft sitara-e-bulandi.”
Aap sahib-e-kashf o karamat wali hone ke sath sath mukhtalif uloom-e-zahiri par bhi kamil dastaras rakhte thay, jaisa ke aap ki tasaneef se wazeh hota hai.
Hamare qareeb-tareen maazi ke aslaaf ke akhlaaf ya un ke aqeedat-mandon ke yahan afsos ke sath yeh rawaj paida ho gaya hai ke apne buzurgon ke ilmi kaarnamon ko manzar-e-aam par lane ke bajaye, sirf a‘raas, chadar o ghaghar ke mele, aur aish o ishrat ki mehfilain saja li jati hain; ya zyada se zyada aik jalsa kar ke chand pesha-war muqarrireen se “Padram Sultan bood” ke na‘ray lagwa kar khush ho liya jata hai.
Is ki wajah yahi hai ke is mein na zyada mehnat chahiye, na zyada paisa.
Aise be-dhange mahaul mein “Maula Ali Research Center, Minara Masjid, Mumbai” ki janib se Makhdoom Mahaimi ki tasaneef ki isha‘at, baad-e-naseem ke thanday jhonkon se kam nahi.
Makhdoom Mahaimi ki kutub par tahqiq, takhreej, tarjuma aur ta‘leeq ka azeem kaam Hazrat Allama Mufti Farooq Mahaimi Misbahi ne anjaam diya hai.
Kisi matn ki tahqiq o tasheeh ka kaam kitna mushkil hota hai, is ka andaza wahi laga sakta hai jo is maidan mein jada-paimai kar chuka ho.
Be-shak, yeh kitabain jahan humein Makhdoom Mahaimi ki seerat aur un ki ilmi o ruhani shakhsiyat se muta‘arif karati hain, wahin Mufti Sahib ke a‘la zauq-e-tahqiq se bhi ro-shnaas karti hain.
Mufti Sahib bila shuba hamari janib se shukriye ke mustahiq hain ke unhon ne Masjid Nu‘man bin Thabit, Pali Hill, Jammu ki library ke liye yeh kitabain irsaal farma kar humein aik Faqih aur Wali-e-Kamil se mustafeed hone ka qeemti mauqa faraham kiya.
✦ Javed Iqbal Alimi
Imam o Khateeb, Jamia Masjid Nu‘man bin Thabit
Pali Hill, Jammu
19-06-2025