خواجہ غریب نواز:تعلیمات وارشادات
خواجہ غریب نواز:تعلیمات وارشادات
از: ڈاکٹرمحمدعاصم اعظمی
اہلِ صفامردانِ حق ظاہری وباطنی علوم ومعارف اور مجاہدات ومکاشفات کے ذریعے نہ صرف اپنی ذات کو قربِ الٰہی تک پہنچاتے ہیںبلکہ اپنے روحانی فیوض وبرکات اور تعلیمات وارشادات کے ذریعہ خلقِ خدا کی تربیت ِاخلاق کا اہتمام بھی فرماتے ہیں۔ کفر وشرک کی تاریک و پُر پیچ وادیوں میں بھٹکنے والوں کے لیے ان کی جامع کمال شخصیتیں مینارۂ نور اور ان کے ایمان افروز ملفوظات بحر معصیت میں ڈوبنے والوں کے لیے سفینۂ نجات ہواکرتے ہیں۔
حضرت خواجہ خواجگان غریب نواز علیہ الرحمۃ والرضوان کی ذات میخانہ ٔمعرفت کے بادہ گساروں میں سرفہرست ہے۔حضرت خواجہ کامشن دین حق کی روشنی پھیلانا اور گم گشتہ راہ ہدایت افراد کو صراط مستقیم کی دعوت دینا، طالبان ِمعرفت کو سلوک وتصوف کے منازل طے کرانا، دلوں کے زنگ دور کرنا اور تزکیہ نفس کی تلقین فرمانا تھا،چنانچہ آپ کی مجالسِ رشد وہدایت تعلیم وتلقین، تربیت اخلاق اور تہذیب نفس کی درسگاہ ہوا کرتی تھیں خاص خاص موقعوں پر حضرت خواجہ نے جو تلقینات وہدایات فرمائیں آپ کے خلیفہ حضرت خواجہ قطب الدین بختیار کاکی علیہ الرحمہ نے دلیل العارفین میں بعض مجلسوں کے ارشادات کو یکجا فرمادیا یہ کتاب آج بھی رشد وہدایت کا سرچشمہ ہے۔ اس مجموعہ ملفوظات میں مختلف دینی مسائل اور صوفیانہ رموز مثلاً طہارت، نماز، روزہ، حج، صدقہ، شریعت، حقیقت، طریقت، محبتِ الٰہی، عشقِ الٰہی، معرفت الٰہی، عذاب قبر، گناہ کبیرہ، عبادت اہل سلوک، دوزخ، سورتوں کے فضائل، کشف وکرامات، صحبت نیک وبد، توکل، توبہ، تجرید، کے موضوعات پر جامع وبصیرت انگیز ارشادات و فرمودات ہیں۔
ذیل میں آپ کی تعلیمات وارشادات کے کچھ اقتباسات پیش کیے جاتے ہیں۔
٭ جس نے کچھ پایا خدمت سے پایا پس لازم ہے کہ پیر کے فرمان سے ذرہ برابر تجاوز نہ کرے۔ جو کچھ اس سے نماز تسبیح اور اد وغیرہ کی بابت فرمائے گوش ہوش سے سنے اور اسے بجالائے تاکہ کسی مقام پر پہونچ سکے۔ کیوں کہ پیر مرید کا سنوارنے والا ہے پیر جو کچھ فرمائے گا وہ مرید کے کمال کے لیے ہی فرمائے گا۔ (دلیل العارفین ص۲)
٭عارف اہل فضل ہیں اور وہ دوست کی محبت میں مستغرق ہیں پس وہ اپنی شرح میں لکھتے ہیں کہ جب آدمی رات کو باطہارت سوتا ہے تو حکم ہوتا ہے کہ فرشتے اس کے ہمراہ رہیں وہ صبح تک اللہ تعالیٰ سے یہی التجا کرتے رہتے ہیں کہ اللہ تعالیٰ اس بندے کو بخش دے کیوں کہ یہ باطہارت سویا ہے۔ (ایضا ص:۳)
٭ فرمایا :عارف اس شخص کو کہتے ہیں جو تمام جہان کو جانتا ہو اور عقل سے لاکھوں معنی پیدا کرسکتا ہو اور بیان کرسکتا ہو اور محبت کے تمام دقائق کا جواب دے سکتا ہو اور ہر وقت بحر میں تیرتا رہے تاکہ اسرارِ الٰہی وانوار الٰہی کے موتی نکالتا رہے اور دیدہ ور جوہریوں کے روبرو پیش کرتا رہے۔ (ایضاً ص:۴)
٭ فرمایا کہ نماز مومن کی معراج ہے جیسا کہ حدیث شریف میں آیا کہ ’’الصلوٰۃ معراج المؤمنین‘‘۔
٭ بعدہ آپ نے فرمایا کہ نماز ایک راز ہے جو بندہ اپنے پروردگار سے کہتا ہے چنانچہ حدیث میں آیا ہے’’ المصلی یناجی ربہ‘‘ نماز پڑھنے والا اپنے خدا سے راز کہتا ہے۔ نماز بندوں کے لیے خدا کی امانت ہے۔ پس بندوں کو چاہیے کہ اس کا حق اس طرح ادا کریں کہ اس میں کوئی خیانت پیدا نہ ہو۔ (ایضا ص:۸)
٭میں نے خواجہ عثمان ہارونی کی زبان سے سنا ہے کہ قیامت کے روز سب سے پہلے نماز کا حساب انبیا اولیا اور ہر مسلمان سے ہوگا جو اس حساب سے عہدہ برآنہیں ہوسکے گا وہ عذاب ِدوزخ کا شکار ہوگا۔
فرمایا:نماز دین کا رکن ہے اور رکن ستون ہوتا ہے پس جب ستون قائم ہوگیا تو مکان بھی قائم ہوگیا۔ (ایضاً ۹)
٭ جو بھوکے کو کھانا کھلاتا ہے اللہ تعالیٰ قیامت کے دن اس کے اور جہنم کے درمیان سات پردے حائل کردے گا۔ جس نے جھوٹی قسم کھائی گویا اس نے اپنے خاندان کو ویران کردیاادھر سے برکت اٹھالی جاتی ہے۔
٭ محبت میں صادق وہ ہے جس پر شوق اشتیاق اس قدر غالب ہو کہ سو ہزار شمشیریں اس کے سر پر ماریں تب بھی اس کو خبر نہ ہو۔
٭ دوستیِ مولا میں وہ شخص سچا ہوتا ہے کہ اگر اس کا جسم ذرہ ذرہ کردیا جائے اور آگ میں جلا کر خاکستر کردیا جائے تو بھی دم نہ مارے۔
عاشق کا دل محبت کی آگ کا آتش کدہ ہے (سوائے حق) جو اس کے دل میں آتا ہے وہ جل کر خاکستر وناپید ہوجاتاہے کیوں کہ آتش محبت سے بڑھ کر دنیا میں کوئی آگ نہیں۔
٭قبرستان میں عمداً کھانا کھانا یا پانی پینا گنا کبیرہ ہے جو عمداً کھائے وہ ملعون اور منافق ہے کیوں کہ گورستان مقام ِعبرت ہے نہ کہ جائے حرص وہوا۔ (ایضا ۱۶)
٭ اس سے بڑھ کر کوئی گناہ کبیرہ نہیں کہ مسلمان بھائی کو بلا وجہ ستایا جائے اس سے خدا ورسول دونوں ناراض ہوتے ہیں۔(۱۷)
٭جب اللہ کا نام سنے یا کلام اللہ سنے اور اس کا دل نرم نہ ہو اور ہیبت الٰہی سے اس کاا عتقاد وایمان زیادہ نہ ہوتو گناہ کبیرہ ہے۔ (ایضا ۱۸)
پانچ چیزوں کو دیکھنا عبادت ہے:
(۱) اپنے والدین کے چہرے کو دیکھنا۔ حدیث میں ہے:جو فرزند اپنے والدین کا چہرہ دیکھتا ہے اس کے نامہ اعمال میں حج کا ثواب لکھا جاتا ہے۔
(۲) کلام مجید کا دیکھنا۔
(۳) کسی عالم بزرگ کا چہرہ عزت واحترام سے دیکھنا۔
(۴) خانہ کعبہ کے دروازے کی زیارت اور کعبہ شریف دیکھنا۔
(۵) اپنے پیرومرشد کے چہرے کی طرف دیکھنا اور خدمت میں مصروف رہنا۔ (ایضا ص: ۲۲۔ ۲۰)
کون سی چیز ہے جو اللہ تعالیٰ کی قدرت میں نہیں ہے مرد کو چاہیے کہ احکام الٰہی بجالانے میں کمی نہ کرے پھر جو کچھ چاہے گا مل جائے گا۔ (ایضا ۲۴)
سورۂ فاتحہ تمام دردوں اور بیماریوں کے لیے شفا ہے جو بیماری کسی علاج سے درست نہ ہوتو وہ صبح کی نماز کے سنت اور فرض کے درمیان اکتالیس مرتبہ بسم اللہ سورۂ فاتحہ پڑھ کر دم کرنے سے دور ہوجاتی ہے۔ حدیث میں ہے:اَلْفَاتِحَۃُ شِفَآئٌ مِّنْ کَلِّ دَآئٍ۔ (ایضا ۲۹)
جو شخص کوئی ورد مقرر کرے اسے روزانہ پڑھنا ضروری ہے۔ (ایضا ۳۰ مجلس، ۸)
رات کے تین حصے کرے پہلا حصہ نماز میں گزارے ،دوسرا تہجد میں جس کے بارے میں رسول اللہ صلی اللہ علیہ وسلم فرماتے ہیں کہ یہ نماز ہمارے لیے فرض ہے یہ چار سلام سے ادا کرے اور جس قدر قرآن شریف یا د ہو پڑھے پھر تھوڑی دیر سو جائے پھر اٹھ کر تازہ وضو کرے اور صبح ِکاذب تک یاد الٰہی میں مشغول رہے۔ (ایضا مجلس ۸ ص: ۳۶)
فرمایا: ایک بار خواجہ بایزید بسطامی رحمۃ اللہ علیہ نے مناجات کے وقت یہ الفاظ کہے :کیف السلوک علیک، آواز آئی اے بایزید طَلِّقْ نَفْسَکَ ثَلٰثًا وَقُلْ ہُوَ اللّٰہُ اَحَدٌ۔ یعنی پہلے اپنی ذات کو تین طلاق دے پھر ہماری بات کر۔ (ایضا م ۹)
فرمایا:جب تک انسان راہ سلوک میں پہلے دنیا ومافیہااور اپنی ذات کو ترک نہ کرے وہ اہل سلوک میں داخل ہی نہیں ہوسکتا۔اگر سالک کی یہ حالت نہ ہوتو سمجھو کہ جھوٹا ہے۔
عارف جب درجہ کمال پر پہونچتا ہے تو دنیا ومافیہا کو اپنی دو انگلیوں کے درمیان دیکھتا ہے چنانچہ بایزید علیہ الرحمہ سے پوچھاگیا آپ نے طریقت میں کہاں تک ترقی کی ہے؟تو فرمایا یہاں تک کہ جب میں اپنی دونوں انگلیوں کے درمیان نگاہ کرتا ہوں اس میں تمام دنیا ومافیہا نظر آتے ہیں۔
گناہ تم کو اتنا نقصان نہیں پہنچا سکتا جتنا مسلمان بھائی کو ذلیل ورسوا کرنا۔ (ایضام۹)
جس نے خود کو پہچان لیا اگر وہ خلق سے دور نہ بھاگے تو سمجھ لو کہ اس میں کوئی نعمت نہیں۔ (م ۹)
عارف وہ شخص ہوتا ہے جو کچھ اس کے اندر ہو اسے دل سے نکال دے تاکہ اپنے دوست کی طرح یگانہ ہوجائے پھر اللہ تعالیٰ اس پر کسی چیز کو مخفی نہ رکھے گا اور وہ دونوں جہان سے بے پروا ہوجائے گا۔ (م۹)
اگر قیامت کے دن کوئی چیز بہشت میں پہنچائے گی تو وہ ہے زہد نہ کہ علم۔ (م۹)
جو شخص عشق کی راہ میں قدم رکھتا ہے اس کا نام ونشان نہیں ملتا۔ (م۹)
اہل عرفان یاد الٰہی کے سوا کوئی اور بات زبان سے نہیں نکالتے۔ (م۹)
میں نے اپنے پیرو مرشد حضرت خواجہ عثمان ہارونی سے سنا ہے کہ اگر کسی شخص میں تین خصلتیں پائی جائیں تو سمجھ لو کہ اللہ تعالیٰ اسے دوست رکھتاہے وہ تین چیزیں سخاوت، شفقت اور تواضع، سخاوت دریا جیسی، شفقت مانند ِآفتاب، تواضع زمین کی سی۔ (م۹)
نیکوں کی صحبت نیک کام سے بہتر ہے اور بروں کی صحبت کا ربد سے بری ہے۔ (م ۱۰ ص: ۴۶)
دنیا میں سب سے بہترتین اشخاص ہیں۔
(۱) عالم جو اپنے علم سے بات کہے۔
(۲) جو حرص نہ رکھے۔
(۳) وہ عارف جو ہمیشہ دوست کی تعریف وتوصیف کرے۔ (م ۱۰، ص: ۴۸)
عارف دنیا کا دشمن ہوتا ہے اور مولیٰ کا دوست چوں کہ وہ دنیا سے بیزار ہوتا ہے اور غلو عشق اور حسد کی اسے خبر نہیں ہوتی۔ (م۱۰ ص: ۴۹)
فرمایا:ایک درویش نے داؤد طائی علیہ الرحمہ کو آنکھ بند کیے ہوئے دیکھا، سبب پوچھا فرمایا: ۴۵ سال سے میں نے اپنی آنکھیں بندر رکھی ہیں تاکہ اللہ تعالیٰ کے سوا کسی کو نہ دیکھوں اس لیے کہ دوستی تو اللہ تعالیٰ سے کروں اور غیر کی طرف دیکھوں۔ (م ۱۰ ص: ۴۹)
درویشی اس بات کا نام ہے کہ جو آئے اسے محروم نہ کیا جائے اگر بھوکا ہے تو کھانا کھلایا جائے اگر ننگا ہے تو نفیس کپڑا پہنایا جائے بہر حال اسے خالی ہاتھ واپس جانے نہ دیا جائے اس کی دلجوئی ضرور کرنا چاہیے۔ (م ۱۰ ص ۵۲)
عارفوں کا توکل یہ ہے کہ ان کا توکل خدا کے سوا کسی پر نہ ہو اور نہ کسی چیز کی طرف توجہ کریں۔ (م ۱۱ ص: ۵۳)
بقا بقائے حق ہے، فنا فنائے نفس ہے، تجرید صفات محبوب کا ذہن نشین کرنا ہے جو مجھ سے محبت کرتا ہے میں اس کے لیے کان اور آنکھ بن جاتا ہوں۔
توبۃ النصوح میں تین باتیں ہیں، اول کم کھانا روزے کے لیے، دوم کم سونا طاعت کے لیے، سوم کم بولنا دعا کے لیے۔ پہلے سے خوف، دوسرے اور تیسرے سے محبت پیدا ہوتی ہے۔ (م ۱۱ ص: ۵۷)
عارف آفتاب کی طرح ہوتا ہے جو سارے جہان کو روشنی بخشتا ہے جس کی روشنی سے کوئی چیز خالی نہیں رہتی۔
اہل طریقت کے لیے دس شرطیں لازم ہیں۔ (۱) طلب حق (۲) طلب مرشد (۳) ادب (م ۱۲ ص: ۵۸) (۴) رضا (۵) محبت وترک فضول (۶) تقویٰ (۷) استقامت شریعت (۸) کم کھانا کم سونا (۹) خلق سے تنہائی اختیار کرنا (۱۰) روزہ ونماز (بحوالہ معین الہند ص: ۱۸۶)
اہل حقیقت کے لیے بھی دس شرطیں لازم ہیں (۱) معرفت میں کامل ہونا اور خدا رسیدہ ہونا (۲) نہ خود رنج ہو نہ رنجیدہ کرے کسی کی بدی کا خیال نہ کرے۔ (۳) حق تعالیٰ کی راہ دکھائے اور خلق کو ایسی بات بتائے جس میں دنیاو آخرت کا فائدہ ہو (۴)تواضع (۵) عزت (۶)ہر شخص کو عزیز ومحترم جانے اور اپنے کو سب سے حقیر اور کم تر شمار کرے (۷) تسلیم ورضا (۸) ہر درد ورنج میں صبر (۹)سوزوگداز، عجز ونیاز (۱۰) قناعت و توکل( ایضا ص: ۸۷۔ ۱۸۶)
محبت کی علامت یہ ہے کہ تو فرماںبردار رہے اور ڈرتارہے کہ کہیں دوست اپنے آپ سے دور نہ کردے ،عارفوں کا ایک مرتبہ ہے جب وہ اس مرتبہ پر پہنچ جاتے ہیں تو تمام عالم اور جو کچھ اس عالم میں ہے اپنی دوانگلیوں کے بیچ میں دیکھتے ہیں۔
عارف وہ ہے کہ جو کچھ وہ چاہتا ہے اس کے پاس آجاتا ہے یا جو بات وہ کہتا ہے اس کا جواب سن لیتا ہے۔
اہل معرفت کی عبادت پاسِ انفاس ہے۔
حق شناسی کی علامت لوگوں سے فرار کرنا اور معرفت میں خاموشی اختیار کرنا ہے۔
{…}
Khwaja Ghareeb Nawaz: Taleemaat-o-Irshadaat
Az: Dr. Muhammad Aasim Azmi
Ahl-e-Safa mardaan-e-Haq zahiri o batini uloom-o-ma‘arif aur mujahidaat-o-mukashifaat ke zariye na sirf apni zaat ko qurb-e-Ilahi tak pohanchate hain, balkeh apne roohani fuyooz-o-barakaat aur taleemaat-o-irshadaat ke zariye khalq-e-Khuda ki tarbiyat-e-akhlaq ka ehtemaam bhi farmate hain. Kufr-o-shirk ki tareek aur pur-pech waadiyon mein bhatakne walon ke liye un ki jaami‘ kamal shakhsiyatein minaar-e-noor hoti hain, aur un ke imaan-afrooz malfoozat bahr-e-ma‘siyat mein doobne walon ke liye safeena-e-nijaat ban jaate hain.
Hazrat Khwaja-e-Khwajgaan Ghareeb Nawaz ‘alayhir-rahmah war-ridwan ki zaat maikhana-e-ma‘rifat ke baadah-gusaaron mein sar-e-fehrist hai. Hazrat Khwaja ka mission deen-e-Haq ki roshni phelana, gum-gushta raah-e-hidaayat afraad ko sirat-e-mustaqeem ki da‘wat dena, talibaan-e-ma‘rifat ko sulook-o-tasawwuf ke manazil tay karana, dilon ke zang door karna aur tazkiya-e-nafs ki talqeen farmana tha. Chunancha aap ki majalis-e-rushd-o-hidaayat taleem-o-talqeen, tarbiyat-e-akhlaq aur tahzeeb-e-nafs ki darsgaah hua karti thin. Khaas mauqon par Hazrat Khwaja ne jo talqeenat-o-hidaayaat farmain, aap ke khaleefa Hazrat Khwaja Qutb-ud-Din Bakhtiyar Kaki ‘alayhir-rahmah ne Daleel-ul-Aarifeen mein baaz majalis ke irshadaat ko yakja kar diya. Yeh kitaab aaj bhi rushd-o-hidaayat ka sarchashma hai.
Is majmooa-e-malfoozat mein mukhtalif deeni masaail aur soofiyana rumooz jaise: tahaarat, namaz, roza, hajj, sadaqa, shari‘at, haqiqat, tariqat, muhabbat-e-Ilahi, ‘ishq-e-Ilahi, ma‘rifat-e-Ilahi, ‘azaab-e-qabr, gunaah-e-kabeerah, ‘ibaadat-e-ahl-e-sulook, dozakh, suraton ke fazaail, kashf-o-karaamaat, suhbat-e-neik-o-bad, tawakkul, tauba, tajreed—jaise mawzuaat par jaami‘ aur baseerat-angez irshadaat-o-farmoodaat milte hain.
Neeche aap ki taleemaat-o-irshadaat ke chand iqtibasaat pesh kiye jaate hain:
✦ Jis ne kuchh paaya, khidmat se paaya; pas laazim hai ke peer ke farmaan se zarrah barabar tajawuz na kare. Jo kuchh namaz, tasbeeh aur adab waghera ke baare mein farmaye, gosh-o-hosh se sune aur baja laaye, taake kisi maqam par pohanch sake. Kyun ke peer mureed ka sanwaarne wala hota hai; peer jo kuchh farmayega, mureed ke kamaal ke liye hi farmayega.
(Daleel-ul-Aarifeen, s. 2)
✦ ‘Aarif ahl-e-fazl hote hain aur woh dost ki muhabbat mein mustaghraq rehte hain. Unhon ne apni sharh mein likha hai ke jab aadmi raat ko ba-tahaarat sota hai to hukm hota hai ke farishte us ke hamraah rahen; woh subah tak Allah Ta‘ala se yahi iltija karte rehte hain ke is banday ko bakhsh de, kyun ke yeh ba-tahaarat soya hai.
(Iyada, s. 3)
✦ Farmaya: ‘Aarif us shakhs ko kehte hain jo tamaam jahan ko jaanta ho, ‘aql se laakhon ma‘ani paida kar sakta ho, bayan kar sakta ho, muhabbat ke tamaam daqaiq ka jawab de sakta ho, aur har waqt bahr mein tairta rahe taake asraar-e-Ilahi aur anwaar-e-Ilahi ke moti nikaal kar deedawar johriyon ke rubaroo pesh karta rahe.
(Iyada, s. 4)
✦ Farmaya ke namaz momin ki mi‘raaj hai, jaisa ke hadees-e-shareef mein aaya: “As-Salatu Mi‘raaj-ul-Mo’mineen.”
✦ Ba‘d-azaan farmaya: Namaz aik raaz hai jo banda apne Parwardigaar se kehta hai; hadees mein aaya: “Al-Musalli yunaaji Rabbah.” Namaz bandon ke liye Khuda ki amaanat hai; pas bandon ko chahiye ke is ka haq is tarah ada karein ke is mein koi khiyanat paida na ho.
(Iyada, s. 8)
✦ Main ne Khwaja Usman Harooni ki zaban se suna hai ke Qiyamat ke roz sab se pehle namaz ka hisaab anbiyā, awliya aur har Musalman se hoga; jo is hisaab se ‘uhda-bar-aa na ho saka, woh ‘azaab-e-dozakh ka shikaar hoga.
Farmaya: Namaz deen ka rukun hai, aur rukun sutoon hota hai; jab sutoon qaim ho jaaye to makaan bhi qaim ho jaata hai.
(Iyada, s. 9)
✦ Jo bhooke ko khana khilata hai, Allah Ta‘ala Qiyamat ke din us ke aur Jahannam ke darmiyan saat parday haail kar dega. Jis ne jhooti qasam khayi, goya us ne apne khandaan ko veeran kar diya; udhar se barkat utha li jaati hai.
✦ Muhabbat mein sadiq woh hai jis par shauq-o-ishtiyaaq is qadar ghaalib ho ke so hazaar shamshereen bhi us ke sar par maari jaayen to bhi use khabar na ho.
✦ Dosti-e-Maula mein woh shakhs sacha hota hai ke agar us ka jism zarrah zarrah kar diya jaaye aur aag mein jala kar khaakistar kar diya jaaye to bhi dum na maare.
✦ ‘Aashiq ka dil muhabbat ki aag ka aatish-kadah hai; (siwa-e-Haq) jo is ke dil mein aata hai, jal kar khaakistar aur na-paida ho jaata hai—kyun ke aatish-e-muhabbat se badh kar duniya mein koi aag nahin.
✦ Qabrastan mein ‘amdan khana khana ya pani peena gunaah-e-kabeerah hai; jo ‘amdan khaye, woh mal‘oon aur munaafiq hai—kyun ke ghoristaan maqam-e-‘ibrat hai, na ke jaaye-e-hirs-o-hawas.
(Iyada, s. 16)
✦ Is se badh kar koi gunaah-e-kabeerah nahin ke Musalman bhai ko bila wajah sataya jaaye; is se Khuda aur Rasool dono naaraaz hote hain.
(s. 17)
✦ Jab Allah ka naam suna jaaye ya Kalaam-e-Ilahi suna jaaye aur dil narm na ho, aur haibat-e-Ilahi se i‘tiqaad-o-imaan mein izafa na ho—to yeh gunaah-e-kabeerah hai.
(Iyada, s. 18)
✦ Paanch cheezon ko dekhna ‘ibaadat hai:
- Walidain ke chehron ko dekhna—hadees mein hai ke jo farzand walidain ka chehra dekhe, us ke nama-e-a‘maal mein hajj ka sawab likha jaata hai.
- Kalaam-e-Majeed ko dekhna.
- Kisi ‘aalim buzurg ka chehra ‘izzat-o-ehteraam se dekhna.
- Khana-e-Ka‘bah ke darwaze ki ziyaarat aur Ka‘bah Shareef ko dekhna.
- Apne peer-o-murshid ke chehre ki taraf dekhna aur khidmat mein masroof rehna.
(Iyada, s. 20–22)
✦ Kaun si cheez hai jo Allah Ta‘ala ki qudrat mein nahin? Mard ko chahiye ke ahkaam-e-Ilahi baja laane mein kami na kare; phir jo kuchh chahega, mil jaayega.
(Iyada, s. 24)
✦ Surah-e-Fatiha tamaam dardon aur bimaariyon ke liye shifa hai. Jo bimaari kisi ‘ilaaj se durust na ho, woh subah ki namaz ke sunnat aur farz ke darmiyan iktaalees martaba Bismillah ke sath Surah-e-Fatiha padh kar dam karne se door ho jaati hai. Hadees: “Al-Fatiha Shifa’un min Kulli Da’in.”
(Iyada, s. 29)
✦ Jo shakhs koi wird muqarrar kare, usay rozana padhna zaroori hai.
(Iyada, Majlis 8, s. 30)
✦ Raat ko teen hisson mein taqseem kare: pehla hissa namaz mein, doosra tahajjud mein—jis ke baare mein Rasoolullah ﷺ ne farmaya ke yeh namaz hamare liye farz hai; yeh chaar salaam se ada kare, jitna Qur’an ya zikr padh sake padhe; phir thodi dair so jaaye; phir uth kar taaza wuzu kare aur subah-e-kaazib tak yaad-e-Ilahi mein mashghool rahe.
(Iyada, Majlis 8, s. 36)
✦ Farmaya: aik baar Khwaja Bayazid Bistami رحمۃ اللہ علیہ ne munaajaat ke waqt yeh alfaaz kahe: “Kaif-as-Suluk ‘Alaik?” Awaaz aayi: “Ae Bayazid! Talliq Nafsaka Thalathan wa Qul Huwa-Allahu Ahad.” Yani pehle apni zaat ko teen talaaq de, phir ham se baat kar.
(Iyada, Majlis 9)
✦ Jab tak insaan raah-e-sulook mein pehle duniya-o-ma-feeha aur apni zaat ko tark na kare, woh ahl-e-sulook mein daakhil hi nahin ho sakta. Agar saalik ki yeh haalat na ho, to samjho woh jhoota hai.
✦ ‘Aarif jab darja-e-kamaal par pohanchta hai to duniya-o-ma-feeha ko apni do ungliyon ke darmiyan dekhta hai. Bayazid se poocha gaya: aap ne tariqat mein kahan tak taraqqi ki? Farmaya: yahan tak ke jab main apni dono ungliyon ke darmiyan nigah karta hoon to tamaam duniya-o-ma-feeha nazar aati hai.
✦ Gunaah tumhein itna nuqsaan nahin pohanchata jitna Musalman bhai ko zaleel-o-ruswa karna.
(Majlis 9)
✦ Jis ne khud ko pehchaan li, agar woh khalq se door na bhaage to samjho ke us mein koi ni‘mat nahin.
(Majlis 9)
✦ ‘Aarif woh hota hai jo jo kuchh us ke andar ho, use dil se nikaal de taake apne dost ki tarah yagaanah ho jaaye; phir Allah Ta‘ala us par kisi cheez ko makhfi nahin rakhega aur woh dono jahan se be-parwa ho jaayega.
(Majlis 9)
✦ Agar Qiyamat ke din koi cheez jannat tak pohanchayegi to woh zuhd hai—na ke sirf ‘ilm.
(Majlis 9)
✦ Jo shakhs ‘ishq ki raah mein qadam rakhta hai, us ka naam-o-nishaan nahin milta.
(Majlis 9)
✦ Ahl-e-‘irfaan yaad-e-Ilahi ke siwa koi aur baat zaban se nahin nikaalte.
(Majlis 9)
✦ Main ne apne peer-o-murshid Khwaja Usman Harooni se suna hai ke agar kisi shakhs mein teen khuslatain paayi jaayen to samjho Allah Ta‘ala use dost rakhta hai: (1) Sakhaawat—dariya jaisi; (2) Shafqat—aaftaab ki maanind; (3) Tawaazu‘—zameen ki si.
(Majlis 9)
✦ Neikon ki sohbat neik kaam se behtar hai, aur buraon ki sohbat khud burai se bhi buri hai.
(Majlis 10, s. 46)
✦ Duniya mein sab se behtar teen ashkhaas hain:
- ‘Aalim jo apne ‘ilm par ‘amal kare;
- Woh jo hirs na rakhe;
- Woh ‘aarif jo hamesha dost ki ta‘reef-o-tauseef kare.
(Majlis 10, s. 48)
✦ ‘Aarif duniya ka dushman aur Maula ka dost hota hai; chunaanche woh duniya se bezaar hota hai aur ghulu-e-‘ishq aur hasad se waaqif nahin hota.
(Majlis 10, s. 49)
✦ Farmaya: aik darvesh ne Dawood Taai رحمۃ اللہ علیہ ko aankhein band kiye dekha; sabab poocha. Farmaya: 45 saal se main ne apni aankhein band rakhi hain taake Allah Ta‘ala ke siwa kisi ko na dekhun—kyun ke dosti Allah se karni hai aur ghair ki taraf nahin dekhna.
(Majlis 10, s. 49)
✦ Darveshi ka matlab yeh hai ke jo aaye use mehroom na kiya jaaye: bhooka ho to khana khilaya jaaye; nanga ho to nafees libaas pehnaya jaaye; baharhaal use khaali haath wapas na jaane diya jaaye—us ki dil-joi zaroor ki jaaye.
(Majlis 10, s. 52)
✦ ‘Aarifon ka tawakkul yeh hai ke un ka tawakkul Khuda ke siwa kisi par na ho aur na kisi cheez ki taraf tawajjuh karein.
(Majlis 11, s. 53)
✦ Baqa—baqa-e-Haq hai; fana—fana-e-nafs hai; tajreed—sifaat-e-Mahboob ko zehan-nasheen karna hai. “Jo mujh se muhabbat karta hai, main us ke liye kaan aur aankh ban jaata hoon.”
✦ Taubat-un-Nasooh mein teen baatein hain: (1) kam khana—rozay ke liye; (2) kam sona—ta‘at ke liye; (3) kam bolna—dua ke liye. Pehli se khauf, doosri aur teesri se muhabbat paida hoti hai.
(Majlis 11, s. 57)
✦ ‘Aarif aaftaab ki tarah hota hai jo saaray jahan ko roshni bakhshta hai; jis ki roshni se koi cheez khaali nahin rehti.
✦ Ahl-e-Tariqat ke liye das shartein laazim hain:
- Talab-e-Haq
- Talab-e-Murshid
- Adab
- Raza
- Muhabbat aur tark-e-fazool
- Taqwa
- Istiqaamat-e-Shari‘at
- Kam khana, kam sona
- Khalq se tanhaai ikhtiyar karna
- Roza-o-Namaz
(Bihawala: Mu‘een-ul-Hind, s. 186; Majlis 12, s. 58)
✦ Ahl-e-Haqiqat ke liye bhi das shartein laazim hain:
- Ma‘rifat mein kaamil aur Khuda-rasa hona
- Na khud ranj ho, na kisi ko ranj pohanchaye; kisi ki badi ka khayal na kare
- Raah-e-Haq dikhaaye aur khalq ko aisi baat bataye jis mein duniya-o-aakhirat ka faida ho
- Tawaazu‘
- ‘Izzat
- Har shakhs ko ‘azeez-o-mohtaram jaane aur apne aap ko sab se haqeer samjhe
- Tasleem-o-Raza
- Har dard-o-ranj mein sabr
- Soz-o-Gudaz, ‘Ajz-o-Niyaaz
- Qana‘at-o-Tawakkul
(Iyada, s. 87, 186)
✦ Muhabbat ki ‘alamat yeh hai ke banda farmanbardaar rahe aur darta rahe ke kahin dost apne se door na kar de.
✦ ‘Aarifon ka aik martaba hota hai; jab woh is par pohanch jaate hain to tamaam ‘aalam aur jo kuchh is mein hai, apni do ungliyon ke darmiyan dekhte hain.
✦ ‘Aarif woh hai ke jo chahta hai woh us ke paas aa jaata hai, aur jo baat kehta hai us ka jawab sun leta hai.
✦ Ahl-e-Ma‘rifat ki ‘ibaadat paas-e-anfaas hai.
✦ Haq-shanaasi ki ‘alamat logon se faraar aur ma‘rifat mein khamoshi ikhtiyar karna hai.
