حضورغوثِ پاک کی سیرت کواپنانے کی ضرورت ہے
حضورغوثِ پاک کی سیرت کواپنانے کی ضرورت ہے
ازقلم : امیر سنی دعوت اسلامی مولانامحمد شاکر نوری
زوال پذیر انسانیت کو عروج وترقی کی شاہراہ پر لے جانے اور مقامِ انسانیت کو آشکار کرنے کے لیے معلمِ کائنات رسولِ گرامی وقار صلی اللہ علیہ وسلم نے تین چیزوں کو انسانوں کے لیے ضروری قراردیا اول علم دوسرے تزکیہ اورتیسرے اخلاق۔ رسول اللہ صلی اللہ تعالیٰ علیہ وسلم نے تعلیم کے سلسلے میں لوگوں کے انہیں جذبات کومہمیزدیااور اس کی اہمیت وفضیلت پراس قدرزوردیاکہ انسان یہ محسوس کرنے لگا کہ اس سے قیمتی خزانہ موجود نہیں ہے یہی وجہ ہے کہ ۲۳ ؍سالہ قلیل مدت میں داعیِ اعظم صلی اللہ علیہ وسلم کے اس انقلابی ا قدام نے عرب کے بدوؤں کو ،جو بکریاں چراتے تھے انسانیت کا ہادی اور رہنما بنا دیا۔ رسول اللہ صلی اللہ تعالیٰ علیہ وسلم ایک طرف ان کی علمی صلاحیتوں کو بہتر بنا تے دوسری طرف اپنی صحبت بابرکت اور حکیمانہ کلام سے ان کے اندر اخلاقی قدروں کو بھی اُجاگر فرماتے تھے اور خود اس رسولِ برحق کے اخلاقِ کریمانہ کا صحابہ کرام مشاہدہ فرماتے اور اپنے آقا کی اداؤں کو اپنی زندگی کے شب وروز میں بسانے کی مکمل کوشش کرتے تھے۔ یہ سلسلہ صحابۂ کرام رضوان اللہ تعالیٰ علیہم اجمعین سے چل کرتابعین اور تبع تابعین سے ہوتاہوا سیدنا غوثِ اعظم تک پہنچاآپ نے بھی اپنی دعوت وتبلیغ کومؤثربنانے کے لیے تعلیم وتزکیہ اور اخلاقِ حسنہ کواپنایا۔غرض جتنے بھی داعیانِ دین تشریف لائے سب نے دعوت وتبلیغ سے پہلے مذکورہ تین چیزوں کو اپنی زندگی کے شب وروزمیں جگہ دی اور کامیاب ہوئے۔
آپ دیکھیں کہ کم سنی میں حضور سیدنا غوثِ پاک رضی اللہ عنہ نے اپنی والدہ ماجدہ سے حصولِ علم کے لیے بغداد جانے کی اجازت چاہی تو آپ کی مقدس ماں نے کتنی گراں قدر نصیحت فرمائی کہ بیٹا! سچ کا دامن کبھی مت چھوڑنا۔ آپ نے سنا اور پڑھا ہوگا کہ سیدنا غوثِ پاک کے سچ بولنے کی برکت سے ڈاکوؤں کو توبہ کی توفیق نصیب ہوئی۔ آپ کی والدہ نے یہ نصیحت کیوں فرمائی؟ وجہ یہ تھی کہ داعیِ اعظم صلی اللہ تعالیٰ علیہ وسلم الصادق الامین تھے حضورِپاک صلی اللہ تعالیٰ علیہ وسلم کی پوری سیرتِ طیبہ سچائی کے واقعات سے بھری ہوئی ہے آپ کاسخت سے سخت دشمن بھی آپ کی امانت وصداقت کادل سے قائل تھا۔ان کی والدۂ ماجدہ اپنے فرزند کو مستقبل کا عظیم داعی بنتا دیکھنا چاہتی تھیں ان کی خو اہش تھی کہ میرافرزندنبی پاک کی سیرت کواپناے اوران کادین پھیلائے اس لیے آپ نے اس صفت سے متصف کرنے کی کوشش فرمائی جس کااثریہ ہواکہ دیکھتے ہی دیکھتے سیدنا غوثِ پاک رضی اللہ عنہ اولیاے کرام کی صحبتوں سے استفادہ اور علم کی لازوال نعمت کے حصول کے بعد اتنے عظیم داعی بنے اور ولایت کے ایسے اونچے مقام پر فائز ہوئے کہ اولیاے کرام کی گردنیں ان کے سامنے جھکی نظر آتی ہیں۔انہوںنے اپنی دعوت وتبلیغ سے ہزاروںلوگوںکے دل کی دنیابدل دی۔آپ نے اپنی قطبیت کارازافشاکرتے ہوئے فرمایا:دَرَسْتُ الْعِلْمَ حَتّٰی صِرْتُ قُطُبًا‘‘یعنی میںنے علم حاصل کیایہاں تک کہ مقامِ قطبیت پرفائزہوگیا۔آپ نے حصولِ علم کی راہوں میں بے شمار مصائب برداشت کیے جس کی تفصیل آپ کی سیرت پر لکھی جانے والی کتابوں میں موجودہے ۔دعوت کے راستے میں علم ،عمل،حلم اور اخلاقِ حسنہ کو اپنانابے انتہا ضروری ہے کیوں کہ اگرایک طرف علم کا سمندر موجزن ہو اور دوسری جانب صحبت میں بیٹھے والا اپنے دل کے زنگ کو دور کررہا ہو اور تیسری طرف ہمارے اچھے اخلاق ہماری دعوت کی سچائی کااظہار کررہے ہوں توکامیابی وکامرانی ملنایقینی ہوجاتاہے۔ مختصریہ کہ اگر ہم مذکورہ تین اوصاف کو اپنی داعیانہ زندگی میں اپنا لیں تو یقینا ہماری ذات دوسروں کے لیے نفع بخش ہوگی اور خود ہم اللہ عزوجل کی نعمتوں اور رحمتوں کے حق دار ہوںگے۔اللہ رب العزت ہم سب کوعلم،عمل اور اخلاق حسنہ کی دولت سے مالامال فرمائے اوربزرگوں کے نقوش قدم پرچل کرخدمت دین کی توفیق بخشے۔آمین
Huzoor Ghous-e-Paak ki Seerat ko Apnane ki Zarurat
Az Qalam: Ameer-e-Sani Dawat-e-Islami Maulana Muhammad Shakir Noori
Zawal-pazeer insaniyat ko urooj o taraqqi ki shahraah par lane aur maqam-e-insaniyat ko aashkar karne ke liye Mu‘allim-e-Kainat Rasool-e-Giraami ﷺ ne insaanon ke liye teen cheezon ko zaroori qarar diya: (1) Ilm, (2) Tazkiyah, (3) Akhlaaq. Rasool Allah ﷺ ne taleem ke silsilay mein logon ke jazbaat ko is qadar ubhaara aur is ki ahmiyat o fazilat par itna zor diya ke insaan mehsoos karne laga ke is se zyada qeemti koi khazana nahi. Yahi wajah hai ke 23 saal ki qaleel muddat mein Da‘ee-e-Aazam ﷺ ke is inqilabi iqdaam ne Arab ke baduon ko — jo bakriyan charaya karte thay — insaniyat ka haadi aur rehnuma bana diya.
Rasool Allah ﷺ aik taraf un ki ilmi salahiyaton ko behtar banate, aur doosri taraf apni sohbat-e-ba-barakat aur hakeemana kalaam se un ke andar akhlaqi qadrain ujagar farmate thay. Sahaba-e-Kiraamؓ apne Aaqa ﷺ ke akhlaaq-e-karimana ka mushahida karte aur apne sarwar ki adaon ko apni zindagi ke shab-o-roz mein basane ki poori koshish karte. Ye silsila Sahaba se Tabi‘een aur Taba‘ Tabi‘een hota hua Syedna Ghous-e-Aazam tak pohncha. Aap ne bhi apni da‘wat o tableegh ko mo‘assar banane ke liye ilm, tazkiyah aur akhlaaq-e-hasanah ko apnaya. Gharz ye ke jitne bhi da‘iyan-e-deen tashreef laaye, sab ne da‘wat se pehle in teen cheezon ko apni zindagi ka hissa banaya aur kaamyab hue.
Aap dekhiye ke kam-sinni mein jab Syedna Ghous-e-Paak ne apni walida-e-majida se husool-e-ilm ke liye Baghdad jaane ki ijazat chahi, to unhon ne kitni qeemti naseehat farmayi:
“Beta! Sach ka daaman kabhi mat chhorna.”
Aap ne suna aur padha hoga ke Ghous-e-Paak ke sach bolne ki barkat se daakuon ko bhi tauba ki taufeeq naseeb hui. Ye naseehat is liye thi ke Da‘ee-e-Aazam ﷺ Sadiq-ul-Ameen thay. Huzoor ﷺ ki poori seerat sachai ke waqiaat se bhari hui hai; sakht se sakht dushman bhi Aap ﷺ ki amanat o sadaqat ka qaail tha. Walida-e-majida apne farzand ko mustaqbil ka azeem da‘ee dekhna chahti thin; un ki khwahish thi ke mera farzand Nabi-e-Paak ﷺ ki seerat ko apnaye aur deen ko phelaye.
Isi asar ka nateeja tha ke Syedna Ghous-e-Paakؓ auliya-e-kiraam ki sohbat se faizyaab ho kar aur ilm ki la-zawaal daulat hasil kar ke itne azeem da‘ee bane aur wilayat ke itne buland maqam par faiz hue ke auliya-e-kiraam ki gardanen un ke samne jhuki hui nazar aati hain. Aap ne apni da‘wat o tableegh se hazaron dilon ki duniya badal di. Aap ne apni qutubiyat ka raaz is jumlay mein bayan farmaya:
“Darastu-l-‘ilma hatta sirta qutuban”
ya‘ni “Main ne ilm hasil kiya yahan tak ke maqam-e-qutubiyat par faiz ho gaya.”
Aap ne husool-e-ilm ke raaston mein be-shumar masaib bardasht kiye, jin ki tafseel seerat ki kitabon mein maujood hai. Da‘wat ke raaste mein ilm, amal, hilm aur akhlaaq-e-hasanah ko apnana nihayat zaroori hai; kyun ke jab ilm ka samandar maujzan ho, sohbat dil ke zang ko door kar rahi ho, aur achay akhlaaq da‘wat ki sachai ka izhar kar rahe hon, to kaamyabi aur kaamrani yaqeenan milti hai.
Mukhtasir ye ke agar hum in teen ausaaf ko apni da‘iyana zindagi ka hissa bana lein, to hamari zaat doosron ke liye nafa‘ bakhsh ban jayegi aur hum khud Allah عزوجل ki rehmaton aur ni‘maton ke haqdaar honge. Allah Rabb-ul-‘Izzat hum sab ko ilm, amal aur akhlaaq-e-hasanah ki daulat se mala-maal farmaye aur buzurgon ke nuqoosh-e-qadam par chal kar khidmat-e-deen ki taufeeq ata farmaye. Aameen.