دنیاسے عبرت حاصل کرو
حضرت علی رضی اللہ عنہ کا ایک اثر آفریں خطبہ
میں تمہیں دنیا سے ڈراتا ہوں اس لیے کہ یہ بظاہر شیریں وخوش گوار، تروتازہ وشاداب ہے۔ نفسانی خواہشات اس کے گرد گھیرا ڈالے ہوئے ہیں۔ وہ اپنی جگہ میسر آجانے والی نعمتوں کی وجہ سے لوگوں کو محبوب ہوتی ہے اور اپنی تھوڑی سی (آرائشوں) سے مشتاق بنا لیتی ہے۔ وہ (جھوٹی) امیدوں سے سجی ہوئی اور دھوکے اور فریب سے بنی سنوری ہوئی ہے نہ اس کی مسرتیں دیرپا ہیں اور نہ اس کی ناگہانی مصیبتوں سے بے فکر رہا جاسکتا ہے۔ وہ دھوکے باز، ضرر رساں، ادلنے بدلنے والی اور فناہونے والی ہے۔ ختم ہونے والی اور مٹ جانے والی ہے۔ کھاجانے اور ہلاک کردینے والی ہے۔ جب یہ اپنی طرف مائل ہونے والوں اور خوش ہونے والوں کی انتہائی آرزؤں تک پہنچ جاتی ہے تو بس وہی ہوتا ہے جو اللہ سبحانہ نے بیان کیا ہے: (اس دنیاوی زندگی کی مثال ایسے ہے) ’’جیسے وہ پانی جسے ہم نے آسمان سے اتارا تو زمین کا سبزہ اس سے گھل مل گیا اور (اچھی طرح پھلا پھولا) پھر سوکھ کر تنکا تنکا ہوگیا جسے ہوائیں (اِدھر سے اُدھر) اڑائے پھرتی ہیں اور اللہ ہر چیز پر قادر ہے‘‘۔ (الکہف ۱۸:۴۵)
جو شخص اس دنیا کا آرام پاتا ہے تو اس کے بعد اس کے آنسو بھی بہتے ہیں اور جو شخص دنیا کی مسرتوں کا رخ دیکھتا ہے وہ مصیبتوں میںڈھکیل کر اس کو اپنی بے رخی بھی دکھاتی ہے اور جس شخص پر راحت وآرام کے ہلکے ہلکے چھینٹے پڑتے ہیں اس پر مصیبت وبلا کے طوفان بھی آتے ہیں۔ یہ دنیا ہی کے مناسب حال ہے کہ صبح کو کسی کی دوست بن کر اس کا (دشمن سے) بدلہ چکائے اور شام کو یوں ہوجائے کہ گویا کوئی جان پہچان ہی نہ تھی۔ اگر اس کا ایک گھونٹ شیریں وخوش گوار ہے تو دوسرا حصہ تلخ اور بلا انگیزہے۔ جو شخص بھی دنیا کی تروتازگی سے اپنی کوئی تمنا پوری کرتا ہے تو وہ اس پر مصیبتوں کی مشقتیں بھی لاد دیتی ہے۔ جس کی شام امن وسلامتی کے بال وپر کی حامل ہوتی ہے اس کی صبح خوف کے پروں پر ہوتی ہے۔ وہ دھوکے باز ہے اور اس کی ہر چیز دھوکا۔ وہ خود بھی فنا ہوجانے والی ہے اور اس میں رہنے والا بھی فانی ہے۔ اس کے کسی سامان میں سوائے زادِ تقویٰ کے کوئی بھلائی نہیں ہے۔
اس سے جو شخص کم حصہ لیتا ہے وہ اپنے لیے راحت کے سامان بڑھا لیتا ہے اور جو کوئی دنیا کو زیادہ سمیٹتا ہے وہ اپنے لیے تباہ کن چیزوں کا اضافہ کرلیتا ہے (حالانکہ) اسے اپنے مال ومتاع سے بھی جلد ہی الگ ہونا ہے۔ کتنے لوگ ایسے ہیں جنہوں نے دنیا پر بھروسہ کیا اور اس نے انہیں مصیبتوں میں ڈال دیا۔ کتنے ہی اس پر بھروسا کیے بیٹھے تھے جنہیں اس نے پچھاڑ دیا۔ کتنے ہی رعب وطنطنے والے تھے جنہیں حقیر وپست بنادیا اور کتنے ہی نخوت وغرور والے تھے جنہیں ذلیل کرکے چھوڑا۔ اس کی بادشاہ دست بدست منتقل ہونے والی چیز، اس کا سرچشمہ گدلا، اس کا خوش گوار پانی کھاری، اس کی حلاوتیں اِیلواکی مانند تلخ ہیں۔ اس کے کھانے زہرہلا ہل اور اس کے اسباب وذرائع کے سلسلے بودے ہیں۔ زندہ رہنے والا معرضِ ہلاکت میں ہے اور تندرست کو بیماریوں کا سامنا ہے۔ اس کی سلطنت چھن جانے والی، اس کا زبردست زیر دست بننے والا، مال دار بدبختیوں کا ستایا ہوا اور ہمسایہ لٹالٹایا ہوا ہے پھر اس کے بعد سکرات اور یوم جزا میں پیش ہونے کے مشکل مراحل درپیش ہوں گے: ’’تاکہ اللہ برائی کرنے والوں کو ان کے عمل کابدلہ دے اور ان لوگوں کو اچھی جزا سے نوازے جنہوں نے نیک رویہ اختیار کیا ہے‘‘ (النجم ۵۳:۳۱)
کیا تم انہی سابقہ لوگوں کے گھروں میں نہیں بستے جو لمبی عمروں والے، پائیدا رنشانیوں والے، بڑی بڑی امیدیں باندھنے والے، زیادہ گنتی وشمار والے اور بڑے لاؤ لشکر والے تھے؟ وہ دنیا کی کس طرح پرستش کرتے رہے اور اسے آخرت پر کیسی کیسی ترجیح دیتے رہے۔ پھر بغیر کسی ایسے زاد وراحلہ کے جو انہیں راستہ طے کرکے منزل تک پہنچاتا، چل دیے۔ کیا تمہیں کبھی یہ خبر پہنچی ہے کہ دنیا نے ان کے بدلے میں کسی فدیے کی پیش کش کی ہو یا انہیں کوئی مدد بہم پہنچائی ہو یا اچھی طرح ان کے ساتھ رہی ہو؟ بلکہ اس نے تو ان پر مصیبتوں کے پہاڑ توڑے، آفتوں سے انہیں عاجز ودرماندہ کردیا، لوٹ لوٹ کر آنے والی زحمتوں سے انہیں جھنجھوڑ کر رکھ دیا، ناک کے بل انہیں خاک پر پچھاڑ دیا، اپنے کھروں سے کچل ڈالا اور ان کے خلاف حوادثِ زمانہ کا ہاتھ بٹایا۔
تم نے تو دیکھا ہے کہ جو ذرا دنیا کی طرف جھکا اور اسے اختیار کیا اور اس سے لپٹا تو اس نے (اپنے تیور بدل کر ان سے کیسی) اجنبیت اختیار کرلی یہاں تک کہ وہ ہمیشہ ہمیشہ کے لیے اس سے جدا ہوکر چل دیے۔ اس نے انہیں بھوک کے سوا کچھ زادِ راہ نہ دیا اورا یک تنگ جگہ کے سوا کوئی ٹھہرنے کا سامان نہ کیا اور سوائے گھپ اندھیرے کے کوئی روشنی نہ دی اور ندامت کے سوا کوئی نتیجہ نہ دیا تو کیا تم اسی دنیا کو ترجیح دیتے ہو یا اسی پر مطمئن ہوگئے ہو یا اسی پر مرے جارہے ہو؟ ارشاد خداوندی ہے: ’’جو لوگ بس اس دنیا کی زندگی اور اس کی خوش نمائیوں کے طالب ہوتے ہیں ان کی کارگزاری کا سارا پھل ہم یہیں ان کو دے دیتے ہیں اور اس میں ان کے ساتھ کوئی کمی نہیں کی جاتی مگر آخرت میں ایسے لوگوں کے لیے آگ کے سوا کچھ نہیں ہے۔ (وہاں معلوم ہوجائے گا کہ )جو کچھ انہوں نے دنیا میں بنایا وہ سب ملیا میٹ ہوگیا اور اب ان کا سارا کیا دھرا محض باطل ہے‘‘ (ہود۱۱:۱۵۔۱۶) جو دنیا پر اعتماد کرے اور اس میں بے خوف و خطر ہوکر رہے اس کے لیے یہ بہت برا گھر ہے۔
جان لو اور حقیقت میں تم جانتے ہی ہو کہ (ایک نہ ایک دن) تمہیں دنیا کو چھوڑنا اور یہاں سے کوچ کرنا ہے۔ ان لوگوں سے عبرت حاصل کرو جو کہا کرتے تھے کہ ہم سے قوت وطاقت میں کون زیادہ ہے۔ انہیں لاد کر قبروں تک پہنچایاگیا انہیں قبروں میں اتار دیاگیا مگر وہ مہمان نہیں کہلاتے۔ پتھروں سے ان کی قبریں چُن دی گئیں اورخاک کے کفن ان پر ڈال دئیے گئے اور گلی سڑی ہڈیوں کو ان کا ہمسایہ بنادیاگیا۔
وہ ایسے ہمسایے ہیں کہ جو پکارنے والے کو جواب نہیں دیتے اور نہ زیادتیوں کو روک سکتے ہیں اور نہ رونے دھونے والوںکی پروا کرتے ہیں۔ اگر بادل (جھوم کر) ان پربرسیں تو خوش نہیںہوتے اور قحط آئے تو ان پر مایوسی نہیں چھاجاتی۔ وہ ایک جگہ ہیں مگر الگ الگ۔ وہ آپس میں ہمسائیے ہیں مگر دور دور۔ پاس پاس ہیں مگر میل ملاقات نہیں۔ قریب قریب ہیں مگر ایک دسرے کے پاس نہیں پھٹکتے۔ وہ بُردبار بنے ہوئے بے خبر پڑے ہیں۔ ان کے بغض وعناد ختم ہوگئے اور کینے مٹ گئے۔ نہ ان سے کسی ضرر کا اندیشہ ہے کسی تکلیف کے دور کرنے کی توقع ہے۔
ارشاد الٰہی ہے: ’’سودیکھ لو ان کے مسکن پڑے ہوئے ہیں جن میں ان کے بعد کم ہی کوئی بسا ہے آخر کار ہم ہی وارث ہوکر رہے‘‘ (القصص ۲۸:۵۸)
انہوں نے زمین کے اوپر کے حصے سے اور کشادگی اور وسعت تنگی سے اور گھر بار پردیس سے اور روشنی اندھیرے سے بدل لی ہے اور جس طرح ننگے پیر اور ننگے بدن پیدا ہوئے تھے ویسے ہی زمین میں (پیوند خاک) ہوگئے اور اس دنیا سے صرف عمل لے کر ہمیشہ کی زندگی اور سدا رہنے والے گھر کی طرف کوچ کر گئے۔ جیسا کہ اللہ سبحانہ نے فرمایا ہے:
کمابدأنا اول خلق نعیدہ وعدا علینا انا کنا فعلین۔ (الانبیا ۲۱:۱۰۴) جس طرح ہم نے مخلوقات کو پہلی دفعہ پیدا کیا تھا اسی طرح دوبارہ پیدا کریں گے اس وعدے کو پورا کرنا ہمارے ذمے ہے اور ہم اسے ضرور پورا کرکے رہیں گے۔
Hazrat Ali Razi Allahu Anhu ka aik Asar Aafreen Khutba
Main tumhein duniya se darata hoon, is liye ke yeh bazahir sheereen aur khushgawaar, tar-o-taaza aur shaadaab hai. Nafsaani khwahishaat is ke gird ghera daale hue hain. Yeh apni aasaan mil jaane wali nematon ki wajah se logon ko mehboob hoti hai aur apni thori si aaraish se unhein mushtaaq bana leti hai. Yeh jhooti umeedon se saji hui aur dhokhe aur fareb se sanwari hui hai. Na is ki masarratein dairpa hoti hain aur na is ki naagahaani museebaton se be-fikr raha ja sakta hai.
Yeh dhokebaaz, zarar rasa, badalne wali aur fana hone wali hai. Khatam ho jaane wali aur mit jaane wali hai. Kha jaane aur halaak kar dene wali hai. Jab yeh apni taraf maa’il hone walon aur khush hone walon ki intehaai aarzon tak pohanch jaati hai to bas wahi hota hai jo Allah Subhanahu ne bayan farmaya hai:
“Is dunyawi zindagi ki misaal aisi hai jaise woh paani jise hum ne aasmaan se utaara, to zameen ka sabza us se ghul mil gaya, phir sookh kar tinka tinka ho gaya jise hawayein idhar udhar uraati phirti hain. Aur Allah har cheez par qudrat rakhta hai.”
(Al-Kahf 18:45)
Jo shakhs is duniya ka aaraam paata hai, us ke baad us ke aansu bhi behte hain. Jo duniya ki masarraton ka rukh dekhta hai, yeh use museebaton mein dhakel kar apni be-rukhi bhi dikha deti hai. Jis par rahat-o-aaraam ke halkay halkay chheentay parte hain, us par museebat-o-bala ke toofan bhi aate hain.
Yeh duniya apne mizaj ke mutabiq hai: subah kisi ki dost ban kar dushman se badla chuka leti hai aur shaam ko yun ho jaati hai goya koi jaan pehchaan hi na thi. Agar is ka aik ghont sheereen hai to doosra hissa talkh aur bala-angez hota hai.
Jo shakhs duniya ki tar-o-taazgi se apni koi tamanna poori karta hai, duniya us par museebaton ki mashakkat bhi laad deti hai. Jis ki shaam aman-o-salaamti ke baal-o-par rakhti hai, us ki subah khauf ke paron par hoti hai.
Yeh dhokebaaz hai aur is ki har cheez dhoka hai. Yeh khud bhi fana hone wali hai aur is mein rehne wala bhi faani hai. Is ke kisi samaan mein siwaaye zaad-e-taqwa ke koi bhalaai nahi.
Jo is se kam hissa leta hai, woh apne liye rahat ke asbaab barha leta hai. Aur jo duniya ko zyada samaitta hai, woh apne liye tabaah-kun cheezon ka izafa kar leta hai—haalanke use apne maal-o-mataa se jald hi juda hona hai.
Kitne hi log aise guzre hain jinhon ne duniya par bharosa kiya aur is ne unhein museebaton mein daal diya. Kitne hi is par bharosa kiye baithe thay jinhein is ne pachhaar diya. Kitne hi raub-o-tanṭanay walay thay jinhein haqeer-o-past bana diya, aur kitne hi nakhwat-o-ghuroor walay thay jinhein zaleel kar ke chhor diya.
Is ki baadshaahi haath badalne wali cheez hai, is ka chashma gandla, is ka khushgawaar paani khari, is ki halaawatein eelwaaki ki tarah talkh hain. Is ke khaane zehr-aalood aur is ke asbaab kamzor hain. Zinda rehne wala bhi halaakat ke nishaan par hai aur tandurust ko bhi beemariyon ka saamna hai.
Is ki saltanat chhin jaane wali hai, is ka zabardast zair-dast banne wala hai, maal-daar badbakhtiyon ka sataaya hua hai aur hamsaaya luta-lutaaya hua. Phir is ke baad sakraat aur Yawm-e-Jaza ke mushkil marahil darpesh honge:
“Taake Allah burai karne walon ko un ke aamaal ka badla de aur nek rawayya ikhtiyar karne walon ko achhi jaza ata farmaaye.”
(An-Najm 53:31)
Kya tum un pehle logon ke gharon mein nahi baste jo lambi umron walay, paaidaar nishaniyon walay, bari bari umeedein baandhne walay, zyada tadaad aur baray lashkar walay thay? Woh duniya ki kaisi parastish karte rahe aur use aakhirat par kaisi tarjeeh dete rahe. Phir bina kisi zaad-o-rahila ke chal diye jo unhein manzil tak pohancha sakta.
Kya tumhein kabhi yeh khabar mili ke duniya ne un ke badlay koi fidya pesh kiya ho, ya unhein koi madad di ho, ya un ke saath wafadari ki ho? Balkeh is ne to un par museebaton ke pahaad tor diye, aafaton se unhein aajiz-o-nadaan bana diya, baar baar aane wali zakhmon se jhinjhor diya, naak ke bal khaak par gira diya, apne khuron se kuchal diya aur un ke khilaaf hawadis-e-zamana ka saath diya.
Tum ne dekha hai ke jo duniya ki taraf zara jhuka aur use ikhtiyar kiya, us se lipta raha, to duniya ne apne tewar badal kar kaisi ajnabiyat ikhtiyar kar li—yahan tak ke woh hamesha ke liye is se juda ho kar chalay gaye. Is ne unhein bhook ke siwa koi zaad-e-rah na diya, aik tang jagah ke siwa koi thikana na diya, andheray ke siwa koi roshni na di aur nadamat ke siwa koi anjaam na diya.
Kya tum isi duniya ko tarjeeh dete ho, isi par mutmain ho gaye ho, aur isi par mare ja rahe ho? Allah Ta‘ala farmata hai:
“Jo log sirf is duniya ki zindagi aur is ki raunaq ke taalib hotay hain, hum un ke aamaal ka poora badla yahin de dete hain aur un ke saath koi kami nahi ki jaati. Magar aakhirat mein un ke liye aag ke siwa kuch nahi. Wahan maaloom ho jaayega ke jo kuch unhon ne duniya mein banaya tha sab zaaya ho gaya aur un ka saara kiya dhara baatil tha.”
(Hood 11:15–16)
Jo duniya par aitmaad karta hai aur is mein be-khauf-o-khatar rehta hai, us ke liye yeh bohat bura ghar hai.
Jaan lo—aur tum jaante hi ho—ke tumhein ek din duniya ko chhorna aur yahan se kooch karna hai. Un logon se ibrat haasil karo jo kaha karte thay: “Hum se quwwat aur taqat mein kaun zyada hai?” Unhein laad kar qabron tak pohanchaya gaya, qabron mein utaar diya gaya—magar woh mehmaan nahi kehlaye. Pattharon se un ki qabrein chun di gayin, khaak ke kafan pehna diye gaye, aur galti-sarti haddiyon ko un ka hamsaaya bana diya gaya.
Woh aise hamsaaye hain jo pukarne walay ko jawab nahi dete, na zyadti rokte hain aur na rone walon ki parwah karte hain. Agar baadal jhoom kar barsein to khush nahi hotay, aur qahat aaye to mayoosi chha nahi jaati. Woh aik jagah hain magar juda juda. Hamsaaye hain magar door door. Qareeb hain magar mulaqat nahi. Paas paas hain magar milte julte nahi. Burdbaar bane be-khabar paray hain. Un ke baghz-o-‘inaad khatam ho chukay, kinaray mit chukay. Na un se kisi nuqsaan ka andesha hai aur na kisi madad ki umeed.
Allah Ta‘ala ka irshaad hai:
“To dekho un ke maskan paray hue hain jin mein un ke baad kam hi koi basa. Aakhirkaar hum hi waaris reh gaye.”
(Al-Qasas 28:58)
Unhon ne zameen ke upar ki zindagi ko zameen ke neeche se badal liya; kushadgi ko tangi se, ghar-baar ko pardes se, aur roshni ko andheray se. Jis tarah nange paon aur nange badan paida hue thay, usi tarah zameen mein mil gaye. Is duniya se sirf amal le kar hamesha ki zindagi aur daimi ghar ki taraf kooch kar gaye.
Jaisa ke Allah Subhanahu ne farmaya:
“Kama bada’na awwala khalqin nu‘eeduh, wa‘dan ‘alayna, inna kunna faa‘ileen.”
(Al-Anbiya 21:104)
Jis tarah hum ne pehli dafa makhlooq paida ki, usi tarah dobara paida karenge. Yeh wada hum par laazim hai aur hum ise zaroor poora kar ke rahenge.
— Hazrat Ali