آیاتِ قرآنی کی حیرت انگیز تاثیر کا ایک نمونہ : پیش کش:نجیب اللہ نوری نجمی
قرآنِ حکیم کی آیات میں خداے قدوس نے بجلی کی تاثیر سے بھی زیادہ حیرت انگیز اور تعجب خیز تاثیرات رکھی ہیں جس کا اندازہ ان خوش نصیب مسلمانوں کو خوب ہوتا ہے جو آیات قرآنی کا ورد کرتے ہیں ہم یہاں نمونے کے طور پر ایک آیت کی حیرت انگیز تاثیر کی ایک شہادت پیش کرتے ہیں۔
علامہ اجہوری نے اپنی کتاب ’’فضائل رمضان‘‘ میں تحریر فرمایا ہے کہ ایک مرتبہ کچھ لوگ سمندر میں کشتی پر سوار ہوکر سفر کررہے تھے تو سمندر میں سے ایک آواز دینے والے کی آواز آئی مگر اس کی صورت دکھائی نہیں پڑی۔ اس نے کہا اگر کوئی شخص مجھے دس ہزار دینار دے دے تو میں اسے ایک ایسا وظیفہ بتاؤں گا اگر وہ ہلاکت کے قریب پہنچ گیا ہو اور اس وظیفہ کو پڑھ لے تو تمام بلائیں وہلاکتیں ٹل جائیں گی۔ تو کشتی والوں میں سے ایک نے بلند آواز میں کہا آمیں تجھ کو دس ہزار دینار دیتا ہوں تو مجھے وہ وظیفہ بتادے تو آواز آئی تو دیناروں کو سمندر میں ڈال دے، مجھے مل جائیں گے۔
چناںچہ کشتی والے دس ہزار دیناروں کو سمندر میں ڈال دیا تو اس غیبی آواز دینے والے نے کہا وہ وظیفہ: وَ مَنْ یَّـتَّقِ اللّٰہَ یَجْعَل لَّہ مَخْرَجًاوَّ یَرْزُقْہُ مِنْ حَیْثُ لَایَحْتَسِبُ وَمَنْ یَّتَوَکَّلْ عَلَی اللّٰہِ فَہُوَ حَسْبُہ اِنَّ اللہَ بَالِغُ اَمْرِہٖ قَدْجَعَلَ اللہُ لِکُلِّ شَیْء ٍ قَدْرًا۔ہے۔
ترجمہ: اور جو اللہ سے ڈرے اللہ اس کے لیے نجات کی راہ نکال دے گا اور اسے وہاں سے روزی دے گا جہاں اس کا گمان نہ ہو اور جو اللہ پر بھروسہ کرے تو وہ اسے کافی ہے بیشک اللہ اپنا کام پورا کرنے والا ہے بیشک اللہ نے ہر چیز کا ایک اندازہ رکھا ہے ۔
تجھ پر جب کوئی مصیبت پڑے تو اس کو پڑھ لیا کرو، یہ سن کر کشتی کے سب سواروں نے اس کا مذاق اڑیاا اور کہا کہ تو نے دس ہزار دیناروں کی کثیر دولت ضائع کردی۔ تو اس نے جواب دیا کہ میں نے ہرگز ہرگز اپنی دولت کو ضائع نہیں کیا ہے اورمجھے اس میں کوئی شبہ نہیں ہے کہ یہ قرآن شریف کی آیت ضرور نفع بخش ہوگی۔ اس کے بعد چند دن کشتی چلتی رہی پھر اچانک طوفان کی موجوں سے کشتی ٹوٹ کر بکھر گئی اور سواے اس آدمی کے کشتی کا کوئی آدمی زندہ نہیں بچا۔ یہ کشتی کے ایک تختے پر بیٹھا ہوا سمندر میں بہتا چلا جارہاتھا یہاں تک کہ ایک جزیرہ میں اتر پڑا۔ اور چند قدم چل کر یہ دیکھا کہ ایک شاندار محل بنا ہوا ہے اور ہر قسم کے موتی وجواہرات پڑے ہوئے ہیں اور اس محل میں ایک بہت ہی حسین عورت اکیلی بیٹھی ہوئی ہے اور ہر قسم کے میوے اور کھانے کے سامان وہاں رکھے ہوئے ہیں۔ اس عورت نے اس سے پوچھا کہ تم کون ہو اور کیسے یہاں پہونچ گئے؟ تو اس نے عورت سے پوچھا: تم کون ہو اور یہاں کیا کررہی ہو؟ تو اس عورت نے اپنا قصہ سنایا کہ میں بصرہ کے ایک عظیم تاجر کی بیٹی ہوں میں اپنے باپ کے ساتھ سمندری سفر کو جارہی تھی کہ ہماری کشتی ٹوٹ گئی اور مجھے کوئی اچانک کشتی سے اچک کر لے بھاگا اور میں اس جزیرہ اس محل کے اندر اس وقت سے پڑی ہوں۔ ایک شیطان ہے جو مجھے اس محل میں لے آیا ہے۔ وہ ہر ساتویں دن یہاں آتا ہے اور میرے ساتھ صحبت تو نہیں کرتا۔ مگربوس وکنار کرتا ہے۔ اور آج اس کے یہاں آنے کا دن ہے۔ لہٰذا تم اپنی جان بچا کر یہاں سے بھاگ جاؤ۔ ورنہ وہ آکر تم پر حملہ کردے گا۔ ابھی اس عورت کی گفتگو ختم بھی نہیں ہوئی تھی کہ ایک دم اندھیرا چھا گیا تو عورت نے کہا کہ جلدی بھاگ جاؤ وہ آرہا ہے ورنہ تم کو ضرور ہلاک کردے گا۔ چناںچہ وہ آگیا اور یہ شخص کھڑا رہا۔ مگر جوں ہی شیطان اس کو دبوچنے کے لیے آگے بڑھا تو اس نے’’ ومن یتق اللہ‘‘ کا وظیفہ پڑھنا شروع کردیا تو شیطان زمین پر گر پڑا اور اس زور کی آواز آئی گویا پہاڑ کا کوئی ٹکڑا ٹوٹ کر گر پڑا ہے اور وہ شیطان جل کر راکھ کا ڈھیر ہوگیا۔ یہ دیکھ کر عورت نے کہا کہ اللہ تعالیٰ نے تم کو فرشتۂ رحمت بنا کر میرے پاس بھیج دیا ہے۔ تمہاری بدولت مجھے اس شیطان سے نجات ملی۔ پھر اس عورت نے اس مرد سے کہا ان موتی جواہرات کو اٹھا لو اور اس محل سے نکل کر میرے ساتھ سمندر کے کنارے چلو اور کشتی تلاش کرکے یہاں سے نکل چلو۔ چنانچہ بہت سے ہیرے جواہرات پھل وغیرہ کھانے کاسامان لے کر دونوں محل سے نکلے اور سمندر کے کنارے پہونچے تو ایک کشتی بصرہ جارہی تھی۔ دونوں اس پر سوار ہوکر بصرہ پہونچے، لڑکی کے والدین اپنی گمشدہ لڑکی کو پاکر بے حد خوش ہوئے اور اس مردکے ممنون واحسان ہوکر اس کو بہت عزت واحترام کے ساتھ اپنے گھر میں رکھا۔ پھر لڑکی کے والدین نے پوری سرگزشت سن کر دونوں کا نکاح کردیا اور دونوں میاں بیوی بن کر رہنے لگے اور تمام موتی وجواہرات جو جزیرہ سے لائے تھے۔ وہ دونوں کی مشترکہ دولت بن گئے اور اس عورت سے خداوند تعالیٰ نے اس مرد کو چند اولاد بھی دی۔ وہ دونوں بہت ہی الفت ومحبت کے ساتھ خوش حال زندگی بسر کرنے لگے۔
سبق: یہ حیرت انگیز تاثیر ہے آیت تقویٰ کی، پھر اگر مسلمان اس پر عامل ہوجائے تو اس کی تاثیر کس قدر ہوگی۔ یقینا اگر مسلمان اس آیت پر عمل پیرا ہوجائیں توان کی آخرت کی زندگی بھی پرسکوں ہوجائے کیوں کہ تقویٰ کی منزل جنت عدن ہی ہے۔
Qur’an-e-Hakeem ki aayaat mein Khuda-e-Quddoos ne bijli ki taaseer se bhi zyada hairat angez aur ta‘ajjub khaiz asraat rakhe hain. Is ka andaza un khush-naseeb Musalmanon ko khoob hota hai jo aayaat-e-Qurani ka wird karte hain. Hum yahan namoone ke taur par aik aayat ki hairat angez taaseer ki aik shahadat pesh karte hain.
Allama Ajhoori ne apni kitaab “Fazail-e-Ramzan” mein tahreer farmaya hai ke aik martaba kuch log samandar mein kashti par sawar ho kar safar kar rahe thay. To samandar mein se aik awaaz dene wale ki awaaz aayi magar us ki soorat nazar na aayi. Us ne kaha: agar koi shakhs mujhe das hazaar deenar de de to main usay aik aisa wazifa bataun ga ke agar woh halaakat ke qareeb bhi pahunch jaye aur is wazifay ko parh le to tamam balaein aur halaaktein tal jaayengi.
Kashti walon mein se aik ne buland awaaz mein kaha: “Main tumhein das hazaar deenar deta hoon, mujhe woh wazifa bata do.” Awaaz aayi: “Deenar samandar mein daal do, mujhe mil jaayenge.”
Chunanche kashti walon ne das hazaar deenar samandar mein daal diye. To us ghaibi awaaz dene wale ne kaha ke woh wazifa yeh hai:
“Wa man yattaqillaha yaj‘al lahu makhraja, wa yarzuqhu min haisu la yahtasib, wa man yatawakkal ‘alallahi fahuwa hasbuh, innallaha baalighu amrihi, qad ja‘alallahu likulli shai’in qadra.”
Tarjuma: Aur jo Allah se darta hai, Allah us ke liye nikalne ka raasta bana deta hai aur usay wahan se rizq deta hai jahan se us ka gumaan bhi na ho. Aur jo Allah par bharosa karta hai to wahi us ke liye kaafi hai. Beshak Allah apna kaam poora karne wala hai. Beshak Allah ne har cheez ke liye aik andaza muqarrar kar rakha hai.
Us awaaz ne kaha: “Jab tum par koi museebat aaye to isay parh liya karo.”
Yeh sun kar kashti ke tamam sawaron ne us ka mazaaq uraaya aur kaha ke tum ne das hazaar deenar ki azeem daulat zaya kar di. Us ne jawab diya: “Main ne apni daulat harگز zaya nahi ki, aur mujhe is mein koi shak nahi ke Qur’an-e-Shareef ki yeh aayat zaroor nafa bakhsh hogi.”
Kuch din kashti chalti rahi, phir achanak toofan ki maujon se kashti toot kar bikhar gayi aur us aadmi ke siwa koi bhi zinda na bach saka. Woh kashti ke aik takhtay par baitha samandar mein behta chala gaya, yahan tak ke aik jazeere par ja utra.
Wahan chand qadam chal kar dekha ke aik shandaar mahal bana hua hai, jahan har qisam ke moti aur jawahiraat bikhre hue hain. Mahal ke andar aik bohat hi haseen aurat akeli baithi hui thi aur har qisam ke phal aur khanay ka saamaan maujood tha.
Aurat ne poocha: “Tum kaun ho aur yahan kaise pohanchay?” Us ne bhi poocha: “Tum kaun ho aur yahan kya kar rahi ho?”
Aurat ne bataya ke main Basra ke aik azeem tajir ki beti hoon. Main apne walid ke saath samandari safar par thi ke hamari kashti toot gayi. Mujhe aik shaytaan zabardasti utha kar is jazeere par le aaya. Woh har saatwein din yahan aata hai, mujhe nuqsaan nahi pohanchata magar bos-o-kinaar karta hai. Aaj us ke aane ka din hai, tum apni jaan bacha kar bhaag jao.
Abhi us ki baat mukammal bhi na hui thi ke achanak andhera chha gaya. Aurat ne kaha: “Woh aa raha hai.” Jab shaytaan us par hamla karne aage barha to us shakhs ne “Wa man yattaqillah” parhna shuru kar diya.
Shaytaan zameen par gir pada aur aisi zordaar awaaz hui jaise pahaar ka koi tukra gir pada ho, aur shaytaan jal kar raakh ho gaya.
Aurat ne kaha: “Allah Ta‘ala ne tumhein farishta-e-rehmat bana kar bheja hai.” Phir dono ne jawahiraat uthaye, samandar ke kinaare aaye aur aik kashti Basra ja rahi thi. Dono us par sawar ho gaye.
Basra pohanch kar larki ke walidain bohat khush hue. Poora waqia sun kar dono ka nikaah kar diya gaya. Allah Ta‘ala ne unhein aulaad bhi ata ki aur dono ne mohabbat aur sukoon ke saath khushhaal zindagi basar ki.
Sabq: Yeh aayat-e-taqwa ki hairat angez taaseer hai. Agar Musalman is par amal karein to un ki duniya aur aakhirat dono sanwar sakti hain, kyun ke taqwa ka anjaam Jannat-e-Adn hai.