سچ بولنے کی برکت
کئی سو سال پہلے کی بات ہے عراق کے ایک قصبہ جیلان میں ایک لڑکا رہتا تھا۔ اس کے والدکاانتقال ہوچکا تھا صرف ماں تھی وہ بڑی نیک اور عقل مند عورت تھی۔ اس نے پہلے تو لڑکے کو خود تعلیم دی پھر قصبے کے مدرسے میں بٹھا دیا۔پھر لڑکے کے شوق کودیکھ کر تعلیم حاصل کرنے کے لیے اسے بغداد بھیجنے کا فیصلہ کرلیامگر لڑکے کو بغداد بھیجنا آسان بات نہ تھی۔ ان دنوں سفر کرنا بڑا مشکل تھا لوگ گھوڑوں اور اونٹوں پر سفر کرتے تھے۔راستے میں جگہ جگہ ڈاکوؤں کے گروہ موجودہوتے تھے جو مسافروں کو لوٹ لیا کرتے تھے۔ اتفاق سے انہی دنوں ایک قافلہ بغداد جارہاتھا ماں نے اپنے لڑکے کو اس قافلے کے ساتھ کردیا اور چلتے وقت اسے نصیحت کی ’’بیٹا! ہر حال میں سچ بولنا‘‘۔ لڑکے نے اپنی ماں کی نصیحت پر عمل کرنے کا وعدہ کیا اور پھر اس کی دعائیں لے کے قافلے کے ساتھ بغداد کی طرف روانہ ہوگیا۔
یہ قافلہ ابھی بغداد کے راستے ہی میں تھا کہ ایک جگہ ڈاکوؤں نے حملہ کردیا اور قافلے والوں کا مال و اسباب لوٹنے لگے۔ایسی حالت میں وہ لڑکا جس کی عمر اس وقت صرف بارہ سال تھی، چپ چاپ ایک طرف کھڑاتھا اس کے چہرے پر نہ کوئی گھبراہٹ تھی اور نہ پریشانی۔ اتنے میں ایک ڈاکو اس کے پاس آیا اوراس سے پوچھنے لگا۔’’لڑکے! تیرے پاس بھی کچھ ہے؟‘‘ لڑکے نے بڑے اطمینان سے جواب دیا: ’’ہاں چالیس دینار ہیں۔‘‘ڈاکو نے اسے مذاق سمجھا۔ وہ سوچنے لگا کہ بھلا اتنے سے لڑکے کر پاس چالیس دینار کہاں ہوسکتے ہیں؟ وہ ہنستا ہوا چلا گیا۔
کچھ دیر بعد ایک اور ڈاکو لڑکے کے پاس سے گزرا اس نے بھی لڑکے سے وہی سوال کیا اور لڑکے نے پھر وہی جواب دیا۔ پہلے ڈاکو کی طرح اس کو بھی اس بات کا یقین نہ آیا اور وہ اسے مذاق سمجھ کر ہنستا ہوا چلاگیا۔ اس کے بعددوسرا ڈاکو آیا اس کے ساتھ بھی یہی گفتگو ہوئی۔ وہ اسے پکڑ کر اپنے سردار کے پاس لے گیا اور کہنے لگا۔ سردار! یہ لڑکا کہتا ہے کہ میرے پاس چالیس دینار ہیں لیکن اس کی شکل سے معلوم ہوتا ہے کہ اس کے پاس ایک پھوٹی کوڑی بھی نہیں۔سردار نے حیرانی سے لڑکے کی طرف دیکھا اور اس سے پوچھا:’’کیاواقعی تمہارے پاس چالیس دینار ہیں؟لڑکے نے جواب دیا ’’جی ہاں!‘‘۔سردار نے پوچھا ’’کہاں ہیں؟‘‘۔لڑکا بولا ’’میرے کرتے کے اندر سلے ہوئے ہیں۔‘‘سردار نے لڑکے کا کرتا اُدھڑوا کر دیکھا تو اس میں سچ مچ چالیس دینار نکلے۔ وہ اور زیادہ حیران ہوا اور کہنے لگا ’’لڑکے! کیا تجھے معلوم نہیں کہ ہم ڈاکو ہیں اور لوگوں کو لوٹنا ہمارا کام ہے‘‘۔لڑکے نے جواب دیا ’’میں جانتا ہوں۔‘‘اس پر سردار نے نرمی سے کہا ’’پھر تم نے یہ دینار چھپانے کی کوشش کیوں نہیں کی؟ اگر تم اپنی زبان سے نہ کہتے تو ہمیں خیال بھی نہیںآسکتا تھا کہ تمہارے پاس چالیس دینار ہیں ۔ ‘‘ اس پر لڑکے نے جواب دیا ’’میں تعلیم حاصل کرنے کے لیے جارہا ہوں یہ چالیس دینار میری والدہ نے حفاظت کے خیال سے میرے کرتے کے اندر سی دیے تھے تاکہ کسی کو پتا نہ چلے مگر رخصت ہوتے ہوئے انہوں نے مجھے نصیحت کی تھی کہ بیٹا! ہر حال میں سچ بولنا۔ ماں کی نصیحت ان چالیس دیناروں سے زیادہ عزیز ہے۔‘‘
لڑکے کے سچ بولنے کا سردار کے دل پر بڑا اثر ہوا۔ وہ اپنے آپ سے کہنے لگا۔’’افسوس، تجھ سے تو یہ لڑکا ہی ہزار درجے اچھا ہے جس نے اس حالت میں بھی اپنی ماں کی نصیحت کو یاد رکھا اور سچ سے منہ نہ موڑا۔ ایک تو ہے کہ خدا سے منہ موڑ کر برے کاموں میں پھنسا ہوا ہے۔‘‘
عزیزنونہالو!جانتے ہویہ لڑکاکون تھا؟یہی وہ لڑکاتھا جوآگے چل کرحضرت شیخ عبدالقادرجیلانی کے نام سے پوری دنیامیں مشہور ہو ا جنہیں ہم غوث اعظم اوربڑے پیرصاحب بھی کہتے ہیں۔حضورغوث پاک کے ایک سچ سے ڈاکوؤں کے دل کی دنیا بدل گئی ۔انہوں نے اپنی پیاری ماں کاکہنامانااورمشکل وقت میں بھی جھوٹ نہ بولے لہٰذاآپ بھی یہ آج سے تہیہ کرلوکہ ہمیشہ اپنی امی جان کاکہنامانوگے اورجھوٹ نہ بولوگے۔
Sach Bolnay Ki Barkat
Kai sau saal pehle ki baat hai. Iraq ke ek qasbe Jailan mein ek larka rehta tha. Us ke walid ka inteqal ho chuka tha, sirf maa thi. Woh bohat naik aur aqalmand aurat thi. Pehle us ne larkay ko khud taleem di, phir qasbe ke madrase mein bitha diya. Jab us ke shauq ko dekha to taleem haasil karne ke liye usey Baghdad bhejne ka faisla kar liya.
Magar un dinon mein Baghdad bhejna asaan baat na thi. Safar bohat mushkil hota tha. Log ghodon aur oonton par safar karte thay, aur raaston mein jagah jagah daakuon ke giroh mojood hotay thay jo musafiron ko loot liya karte thay. Ittefaq se unhi dinon ek qafila Baghdad ja raha tha. Maa ne apne larkay ko us qafile ke saath kar diya aur rawana karte waqt naseehat ki:
“Beta! har haal mein sach bolna.”
Larkay ne maa ki naseehat par amal karne ka wada kiya aur us ki duaein le kar qafile ke saath Baghdad ki taraf rawana ho gaya.
Qafila abhi Baghdad ke raaste mein hi tha ke ek jagah daakuon ne hamla kar diya aur qafile walon ka maal o asbaab lootne lage. Is haalat mein woh larka, jis ki umar sirf barah (12) saal thi, chup chaap ek taraf khara tha. Us ke chehre par na koi ghabrahat thi aur na pareshaani.
Itne mein ek daaku us ke paas aaya aur poochne laga:
“Larkay! tere paas bhi kuch hai?”
Larkay ne poore itminaan se jawab diya:
“Haan, chaalis dinar hain.”
Daaku ne is baat ko mazaaq samjha aur hansta hua chala gaya. Usay yaqeen hi na aaya ke itne chhote larkay ke paas chaalis dinar ho sakte hain.
Kuch dair baad doosra daaku guzra. Us ne bhi wohi sawal poocha aur larkay ne phir wohi jawab diya. Woh bhi isay mazaaq samajh kar chala gaya. Phir teesra daaku aaya, us ke saath bhi yahi guftagu hui. Aakhirkaar woh larkay ko pakar kar apne sardaar ke paas le gaya aur bola:
“Sardaar! yeh larka kehta hai ke is ke paas chaalis dinar hain, magar is ki shakal se lagta hai ke ek phooti kauri bhi nahin.”
Sardaar ne hairani se larkay ko dekha aur poocha:
“Kya waqai tumhare paas chaalis dinar hain?”
Larkay ne jawab diya:
“Ji haan.”
Sardaar ne poocha:
“Kahan hain?”
Larka bola:
“Mere kurtay ke andar silay hue hain.”
Sardaar ne jab kurtay ko udharwa kar dekha to waqai us mein se chaalis dinar nikal aaye. Woh aur bhi zyada hairaan hua aur bola:
“Kya tumhein maloom nahin ke hum daaku hain aur logon ko lootna hamara kaam hai?”
Larkay ne kaha:
“Main jaanta hoon.”
Sardaar ne narmi se poocha:
“Phir tum ne yeh dinar chhupane ki koshish kyun nahin ki? Agar tum khud na batate to humein khayal bhi na aata.”
Larkay ne jawab diya:
“Main taleem haasil karne ja raha hoon. Yeh chaalis dinar meri walida ne hifazat ke liye mere kurtay ke andar sil diye thay. Rukhsat hotay waqt unhon ne mujhe naseehat ki thi ke beta, har haal mein sach bolna. Maa ki naseehat in dinaron se zyada azeez hai.”
Larkay ki sachai ka sardaar ke dil par gehra asar hua. Woh apne aap se kehne laga:
“Afsos! yeh larka mujh se hazaar darjay behtar hai jo is mushkil ghari mein bhi apni maa ki baat nahin bhoola, aur main hoon ke Khuda se munh moor kar buray kaamon mein phansa hua hoon.”
Azeez nanhe dosto!
Kya tum jaante ho yeh larka kaun tha?
Yahi woh larka tha jo aage chal kar Hazrat Sheikh Abdul Qadir Jilani ke naam se poori duniya mein mashhoor hua, jinhein hum Ghaus-e-Azam aur Barray Peer Sahib bhi kehte hain.
Huzoor Ghaus Paak ke sirf ek sach ne daakuon ke dil ki duniya badal di. Unhon ne apni pyari maa ki baat maani aur mushkil waqt mein bhi jhoot ka sahara na liya.
👉 Is liye aaj se tum bhi yeh pakka irada kar lo ke hamesha apni ammi jaan ki baat mano ge aur kabhi jhoot nahin bolo ge.