Yeh kitab Hazrat Makhdoom Faqeeh Ali Mahaimi رحمۃ اللہ علیہ ki hayaat wa khidmaat par likhi jaane wali pehli mustaqil Arabi tasneef “Zameer-ul-Insaan” ka Hindi tarjuma hai. Asal kitab Maulana Syed Ibrahim Kilayani ne Arabi zaban mein tehreer farmayi, jabke us ka Urdu tarjuma, tehqeeq aur takhreej Mufti Farooq Khan Mahaimi ne anjaam di. Baad azan is ilmi khazane ko Hindi qariyeen tak pahunchane ke liye nihayat saadah aur aam fehm andaaz mein Hindi tarjuma kiya. Kitab mein Hazrat Makhdoom Faqeeh Ali Mahaimiؒ ki ilmi azmat, fiqhi baseerat, tasawwuf, tafseer aur bar-e-sagheer mein un ki deeni khidmaat ko mustanad hawalon ke saath pesh kiya gaya hai. Yeh tasneef Hindustani zabanon mein Islami ilmi wirse ki hifazat aur us ke farogh ki ek aham koshish hai.

Aham Nuqaat:

• Hazrat Makhdoom Faqeeh Ali Mahaimiؒ ki pehli mustaqil sawanehi kitab ka Hindi tarjuma۔
• Asal Arabi kitab Maulana Syed Ibrahim Kilayani ki tasneef۔
• Urdu aur tarjuma, tehqeeq aur takhreej Mufti Farooq Khan Mahaimi ki۔
• Makhdoom Mahaimiؒ ki ilmi, fiqhi aur roohani khidmaat ka jaame‘ bayan۔
• Mustanad tareekhi hawalon aur makhtootaat se muzayyan kitab۔
• Hindi qariyeen ke liye saadah aur aasaan usloob۔
• Bar-e-sagheer ke Islami ilmi wirse ko aam karne ki aham koshish۔